តារាម៉ូដែលអាមេរិកប្ដឹងគេហទំព័រមួយ ១,៥ពាន់លានដុល្លារពីបទប្រើរូបថតនាង
តារាម៉ូដែលអាមេរិក Yuliana Avalos ប្ដឹងទារប្រាក់ពីគេហទំព័រ Match.com ចំនួន១,៥ពាន់លានដុល្លារអាមេរិក ពីបទប្រើប្រាស់រូបថតនាងដោយមិនបានសុំការអនុញ្ញាត និងប្រើប្រាស់ក្នុងផ្លូវអាក្រក់។
តារាវ័យ៣១ឆ្នាំមកពីរដ្ឋ Florida រូបនេះប្រាប់ New York Daily News ថា រូបរបស់នាង១សន្លឹកត្រូវគេហទំព័រខាងលើទាញយកប្រើប្រាស់បោកបញ្ឆោតបុរសមានលុយរាប់ពាន់ដុល្លារវ័យ៧០ឆ្នាំម្នាក់។ អ្នកប្រើរូបនេះបានប្រើវិធីសាស្ត្រសុំលុយគាត់ ទីបញ្ចប់បុរសរូបនេះក៏ទៅខ្ចីលុយកូនប្រុសខ្លួន។ ពេលនោះមកគាត់ដួលរលំ បាត់បង់អ្វីគ្រប់យ៉ាង និងខ្មាសគេរហូតសម្លាប់ខ្លួនឯង។
Avalos ភ្ញាក់ផ្អើលមែនទែនពេលគេហទំព័រ ABC សួរនាងពីរឿងណាត់ជួបក្នុងគេហទំព័រខាងលើ ប៉ុន្តែទោះបីជាយ៉ាងណា នាងឆ្លើយបដិសេធន៍ថា មិនបានបង្ហោះរូបក្នុងគេហទំព័រមួយនេះទេ។ “ខ្ញុំមានមិត្តប្រុស ខ្ញុំមិនចាំបាច់ណាត់ជួបប្រុសផ្សេងដើម្បីប្រាក់នោះឡើយ។ បើអ្នកឃើញរូបខ្ញុំលើគេហទំព័រណាមួយ នោះមិនមែនជាខ្ញុំទេ។ ជុំវិញបញ្ហានេះ ប្រភពមិនបានបញ្ជាក់ថា តុលាការនឹងកាត់ក្ដីបែបណានោះទេ៕
បុរសដែលបានសម្លាប់ខ្លួនឯង
ប្រភព៖ Asiantown
0 comments:
Post a Comment