ក្រុមស្ដេចស Real Madrid របស់អេស្ប៉ាញ មានប្រវត្តិមិនសូវជាកាក់កបប៉ុន្មានទេ ពេលទៅលេងនៅទឹកដីក្រុមសេះបង្កង់ Juventus របស់អ៊ីតាលី ពោលគឺបីដងចុងក្រោយមិនដែលឈ្នះសោះ។ យ៉ាងណាក្ដី ការប្រកួតក្នុងពូល B ៣ប្រកួតកន្លងមក Real មិនចាញ់នោះទេ ខណៈ Juventus បានត្រឹមស្មើ២ដង និងចាញ់ម្ដង។ តើការជួបគ្នាម៉ោង ២:៤៥នាទីរំលងអាធ្រាត្រយប់នេះវិញ លទ្ធផលបែបណាដែរ?
ព័ត៌មានក្រុម
កីឡាករអេស្ប៉ាញ Fernando Llorente នឹងអាចជាប់ក្នុងជម្រើសដំបូងជាមួយ Carlos Tevez ក្នុងតំបន់ប្រយុទ្ធរបស់ Juventus ខណៈ Claudio Marchisio នៅជួយគាំទ្រ។ Arturo Vidal និង Paul Pogda នឹងអាចបន្តស្ថិតនៅតំបន់កណ្ដាលជាមួយ Andrea Pirlo។ ក្រុមលោក Antonio Conte នឹងត្រូវអវត្តមានខ្សែការពារ Giorgio Chiellini ដែលត្រូវបណ្ដេញចេញពេលលេងនៅ Bernabeu ២សប្ដាហ៍មុន។
Xabi Alonso អាចបន្តជាប់ក្នុងជម្រើសដំបូងនៅ Real Madrid ដែលជួយគាំទ្រដោយ Sami Khedira និង Luka Modric នៅតំបន់បម្រើ ខណៈអ្នកចាំទី Iker Casillas នឹងអាចដាក់ឲ្យលេង។ Raphael Varane, Alvaro Arbeloa និង Marcelo នឹងអាចចាប់ដៃជាមួយ Pepe ឬ Sergio Ramos នៅតំបន់ការពារ។ Cristiano Ronaldo និង Gareth Bale អាចនៅស្លាបសងខាង ខណៈ Benzema នៅតំបន់ប្រយុទ្ធ។
ជំនួបក្រុមទាំង២ កាលនៅទឹកដី Real Madrid (រូបភាព៖ dailymail)
ធាតុពិតនៃការប្រកួត
ការជួបគ្នារវាងក្រុមទាំង២នៅពានទ្វីបអឺរ៉ុប ១៥ដង គឺមិនដែលចប់ក្នុងលទ្ធផលស្មើគ្នានោះទេ។
លទ្ធផល១៥ដងរវាងក្រុមទាំងពីរ គឺមានគ្រាប់បាល់ស៊ុតបញ្ចូលទីជាមធ្យម ២គ្រាប់។
Juventus បានស៊ុតបញ្ចូលទីបាន៧គ្រាប់នៅការប្រកួត៨ដងចុងក្រោយនៅពានអឺរ៉ុបទល់នឹងក្រុមមកពីអេស្ប៉ាញ។
Cristiano Ronaldo ស៊ុតបញ្ចូលទីដល់ទៅ៧គ្រាប់ក្នុង៣ប្រកួតនៅ Champions League រដូវកាលនេះ។ ៧គ្រាប់នេះ គឺលើសគ្រាប់បាល់របស់ក្រុមចំនួន២៦ក្នុងរដូវកាលនេះ បូករួមទាំង Barcelona ផងដែរ។
Angel Di Maria ជាកីឡាករ Assist ច្រើនជាងគេនៅ UCL រដូវកាលនេះ (៤ដង)។
Juventus ឈ្នះតែ៤ប្រកួតប៉ុណ្ណោះ ក្នុង១១ប្រកួតចុងក្រោយក្នុងផ្ទះខ្លួនឯង នៅ ពានរង្វាន់នេះ។
លទ្ធផលនៃការជួបគ្នា៧ដងចុងក្រោយនៃក្រុមទាំង២៖
Ronaldo ស៊ុតបាល់ប៉េណាល់ទីបញ្ចូលទី Juventus (រូបភាព៖ dailymail)
តារាងពិន្ទុពូល B៖
មួយគូទៀតក្នុងពូល B ដែរនោះ គឺក្រុម Kobenhavn ទទួលភ្ញៀវ Galatasaray ម៉ោង ២:៤៥នាទីរំលងអាធ្រាត្រដូចគ្នា ខណៈ៦គូក្នុងពូលបីផ្សេងទៀត មានដូចខាងក្រោម៖
| ពូល | គូប្រកួត | ម៉ោង |
| A | Shakhtar Donetsk vs Leverkusen | ២:៤៥រំលងអាធ្រាត្រ |
| Real Sociedad vs Manchester United | ||
| C | PSG vs Anderlecht | |
| Olympiakos Piraeus vs Benfica | ||
| D | Manchester City vs CSKA Moskva | |
| Victoria Plzen vs Bayern Munich |
ព្យាករណ៍របស់ Sabay៖ Juventus ១-២ Real Madrid ។ តើប្រិយមិត្ត ទស្សន៍ទាយលទ្ធផលគូនេះ យ៉ាងណាដែរ? ចុះចំណែកគូផ្សេងទៀត?
0 comments:
Post a Comment