ដំណឹងល្អសម្រាប់ប្រិយមិត្តប្រើប្រាស់ស្មាតហ្វូនដើរដោយប្រព័ន្ធប្រតិបត្តិការ Android លែងមានការព្រួយបារម្ភថាមិនមានក្ដារចុចនិងមើលភាសាខ្មែរបានទៀតហើយ។ ថ្មីៗនេះ Google បានបំពាក់ក្តារចុចនិងហ្វុងអក្សរខ្មែររួចជាស្រេចនៅលើ Smartphone ដែលដើរដោយប្រព័ន្ធដំណើរការជំនាន់ចុងក្រោយរបស់ខ្លួនគឺ KitKat។ ជា់ក់ស្តែង Nexus 5 ដែលជាសមិទ្ធផលរួមគ្នារវាង LG និង Google និងទើបចេញលក់នៅលើទីផ្សារគឺមានបំពាក់ក្តារចុច និងហ្វុងអក្សរខ្មែរមកជាមួយស្រាប់។
Nexus 5 ជាទូរសព្ទកំពូលលំដាប់លេខ ២ ចុះលេខ ១ម៉ាកអ្វី?
រូបភាពនៃការសាកល្បងប្រើប្រាស់
យោងតាមលោក បូវី ឈុនឡេង ជាអ្នកជំនាញលើប្រព័ន្ធប្រតិបត្តិការ Android មួយរូបបានឲ្យដឹងថា កាលពីថ្ងៃទី ១ ដើមខែ វិច្ឆិកា នេះមាន ទូរសព្ទមួយប្រភេទគឺ LG Nexus 5 បានដាក់លក់លើទីផ្សារនៅសហរដ្ឋអាមេរិក។ ទូរសព្ទប្រភេទនេះបានប្រើប្រាស់ប្រតិបត្តិការ Android ជំនាន់ក្រោយគេបង្អស់នៅលើពិភពលោកគឺ Versions 4.4 ដែលមានឈ្មោះថា Kit Kat។
លោកថា អ្វីដែលពិសេសសម្រាប់ប្រទេសកម្ពុជានិងមោទនភាពសម្រាប់ពលរដ្ឋកម្ពុជាគឺ Google បានដាក់បញ្ចូលក្ដារចុច និងហ្វុងអក្សរខ្មែរស្រាប់នៅលើ Android ជំនាន់ចុងក្រោយនេះ។
“ចាប់តាំងពី Version មុនៗស្មាតហ្វូនទាំងអស់មានការបំបែក Versions សិន ទើបអាចបញ្ចូលភាសាខ្មែរនិង ក្ដារចុចបាន”។
លោកបញ្ជាក់ថា ហេតុដែល Google ជាក្រុមហ៊ុនយក្សផ្នែកបច្ចេកវិទ្យាមួយនៅលើពិភពលោកសម្រេចដាក់របស់ ដែលតំណាងជាតិសាសន៍របស់ខ្មែរគឺ ដោយសារតែមាន Developer ខ្មែរជាច្រើនបានជ្រំជ្រែងយ៉ាងខ្លាំងខ្លាបំផុតលើវិស័យបច្ចេកវិទ្យាមួយនេះ។ ជាងនេះទៅទៀត Google បានសម្លឹងឃើញថាទីផ្សារ Android មានការគាំទ្រ និងប្រើប្រាស់យ៉ាងទូលំទូលាយនៅក្នុងប្រទេសកម្ពុជា។
ដូច្នេះ តាមរយៈការបំពាក់ក្តារចុចនិងហ្វុងអក្សរខ្មែរខ្មែរនៅពេលនេះនឹងធ្វើឲ្យពិភពលោកបានស្គាល់ប្រទេសកម្ពុជា កាន់តែច្រើនតាមរយៈបច្ចេកវិទ្យាដ៏អស្ចារ្យនេះ។
អត្ថបទ៖ ដារ៉ាឆានី
0 comments:
Post a Comment