ដូចដែលអ្នកបានឃើញនៅក្នុងតារាងនៃការធ្វើតេស្តក្នុងរូបខាងក្រោមអីចឹង។ Smartphone ទើបចេញរូបផ្លូវការបានមិនដល់មួយសប្ដាហ៍ Nexus 5 ដែលជាសមិទ្ធផលរួមគ្នារវាង LG និង Google ពិតជាមានសមត្ថភាពប្រើសម្រាប់កម្សាន្តហ្គេមមែន គឺជាប់លំដាប់លេខ ២ បន្ទាប់ពី iPhone 5S។
Smartphone នេះបំពាក់ GPU ប្រភេទ Adreno 330 ជាប់លេខ២ ជាទូរសព្ទដែលមានសមត្ថភាពដំណើរការហ្គេមបានយ៉ាងល្អបំផុតលើ Smartphone នានា បន្ទាប់ពី iPhone 5S ដែលប្រើ PowerVR G6430 GPU បានលេខ ១។ ទោះជាយ៉ាងណាក៏ដោយ នេះគ្រាន់ជា benchmark បង្ហាញពីសមត្ថភាពក្នុងការលេងហ្គេមនៅលើ Smartphone ប៉ុណ្ណោះ សម្រាប់ជាក់ស្ដែងយ៉ាងណានោះគឺអាស្រ័យប្រិយមិត្តបានប្រើផ្ទាល់។
ទូរសព្ទ Nexus 5 មានលក្ខណៈសម្បត្តិដូចជា៖
- អេក្រង់ True HD IPS Plus បញ្ជាដោយ touchscreen ទំហំ ៤,៩៥អ៊ីញ (1080 x1920px) រួមជាមួយដង់ស៊ីតេភិចហ្សែល 445ppi
- កាមេរ៉ាក្រោយទំហំ 8MP រួមជាមួយ autofocus, LED flash និងបច្ចេកវិទ្យា OIS
- កាមេរ៉ាមុខទំហំ 1.3MP
- ប្រព័ន្ធប្រតិបត្តិការ Android KitKat 4.4 (ជាSmartphone ដំបូងបង្អស់ដែលដំណើរការដោយAndroid ស៊េរីចុងក្រោយនេះ)
- CPU ប្រភេទ Quad-core ល្បឿន 2.3Ghz
- ប្រើ chip របស់ Qualcomm គឺ MSM8974 Snapdragon 800
- GPU Adreno 330
- RAM ទំហំ 2GB
- Memory ម៉ាស៊ីនទំហំ 16GB/32GB
- ប្រព័ន្ធបណ្ដាញ 2G/3G/4G LTE
- តំណភ្ជាប់៖ Wi-Fi 802.11 a/b/g/n/ac, dual-band, Wi-Fi hotspot, bluetooth v4.0, microUSB v2.0
- មាន NFC
- វិមាត្រ (ប xទទ xកម្រាស់)៖ (១៣៧,៩មម x ៦៩,២មម x ៨,៦មម)
- ទម្ងន់ ១៣០ក្រាម
- ប្រភេទស៊ីមកាត Micro-SIM
- ពណ៌ចំនួន ២ គឺស និងខ្មៅ
- ថ្មប្រភេទ Li-Po កម្រិតថាមពល 2300mAh ជាប់នឹងម៉ាស៊ីន
- បច្ចេកវិទ្យាសាកថ្មតាម Wireless
Nexus 5 ទំហំ 16GB ថ្លៃ ៣៤៩ដុល្លារ ខណៈ 32GB ថ្លៃ ៤០០ដុល្លារ មានលក់នៅ Google Play Store ចាប់ពីថ្ងៃ ០១ វិច្ឆិកានេះ ទៅហើយ ហើយបន្ទាប់ពីនោះហាង Sprtint, T-Mobile, Amazon, Best Buy និង RadioShack នឹងមានលក់បន្តបន្ទាប់។ ពិតជាពិសេសបើតាមគេហទំព័របានឱ្យដឹងថា Nexus 5 16GB ដែលដាក់លក់លើ Play Store លក់ដាច់អស់រលីងក្នុងរយៈពេលត្រឹមតែ ២ម៉ោង៕
អត្ថបទ៖ LG Nexus 5 ថាចេញ ចេញមែន ប្រើ Android 4.4 KiKat មុនគេទៀត
ប្រែសម្រួល៖ ឈុន ហួរ
ប្រភព៖ pandaapp
0 comments:
Post a Comment