បើទោះជាសាយភាយព័ត៌មានបែកបាក់ចំណងស្នេហ៍ ប៉ុន្តែគេឃើញគូស្នេហ៍វ័យក្មេងមួយគូ គង់ ចាន់ស្រីមុំ និងកំលោះ គឹម សីហា នៅតែលេចឡើងនូវភាពផ្អែមល្ហែមជាមួយគ្នាម្តងហើយម្តងទៀត ទាំងនៅខាងក្រៅ និងនៅលើបណ្ដាញសង្គម។
រូបថត៖ បណ្តាញ សង្គម គឹម សីហា
ទិដ្ឋភាពជាក់ស្តែងមួយបានកើតឡើងកាលពីពាក់កណ្តាលខែមុនក្នុងកម្មវិធីជប់លៀងរបស់ក្រុមហ៊ុនស្រាមួយ ដែលមានតារាល្បីៗជាច្រើនបានចូលរួម។ ភាគីខាងស្រីស្លៀករ៉ូបសដៃតូចវាលដើមទ្រូង ហើយខាងប្រុសតឺនុយគ្របដោយអាវធំ រាត្រីនោះ គង់ ចាន់ស្រីមុំ និងកំលោះសង្ហា គឹម សីហា ត្រូវបានគេមើលឃើញថា ពួកគេនៅតែស័ក្តិសមជាគូស្នេហ៍មួយ។ ពួកគេកៀកកើយគ្នាយ៉ាងផ្អែមល្ហែមគ្មានខ្វល់នឹងក្រសែភ្នែកអ្នកណាមួយឡើយ។
ងាកមកលើបណ្ដាញសង្គមរបស់ពួកគេឯនេះវិញ ក៏នៅតែលេចរូបភាពផ្អែមល្ហែមមិនស្វាង។ កាលពីអំឡុងថ្ងៃបុណ្យ Halloween កន្លងទៅថ្មីៗនេះ ស្រីមុំ និង គឹម សីហា បើទោះជាស្ថិតក្នុងការតុបតែងខ្លួនជាលក្ខណៈខ្មោចព្រាយអសុរកាយគួរឲ្យខ្លាចនោះ ក៏នៅតែផ្អែមល្ហែមជាមួយគ្នា។ ពួកគេឱបថើបគ្នាត្រជាក់ល្ហឹម។
ថ្មីៗនេះ ភាគីខាងប្រុសបានបញ្ចេញរូបផ្អែមល្ហែមមួយសន្លឹកទៀត ដែលក្នុងរូបនោះ ពួកគេបានថើបមាត់គ្នាយ៉ាងផ្អែមល្ហែមទៀត។ ដូច្នេះយោងទិដ្ឋភាពទាំងនោះ តើពួកគេបែកគ្នាយ៉ាងម៉េចទៅ។
អត្ថបទ៖ គិតថា កែវ និសា ឬគង់ ចាន់ស្រីមុំ ទាក់ទាញជាង?
គង់ ចាន់ស្រីមុំ ពុំព្រមនិយាយពីលើបញ្ហានេះទេ នៅក្នុងជំនួបតាមទូរស័ព្ទអម្បាញ់មិញនេះ កញ្ញា ប្រាប់ថា កំពុងជាប់រវល់ហើយក៏បិទទូរស័ព្ទទៅ។ យ៉ាងណា សិល្បករម្នាក់ដែលសុំមិនបញ្ចេញឈ្មោះនោះ បានប្រាប់ថា ស្រីមុំ និងសីហា មិនបានបែកគ្នាទេ។ ប្រភពមិនបញ្ចេញឈ្មោះនេះ ថ្លែងថា “បែកអីបង ពួកគេបណ្តើរគ្នាជួបខ្ញុំនៅកន្លែងញុំាគ្រឿងសមុទ្រ តាំងពីមានព័ត៌មានថាបែកគ្នាម្ល៉េះ គ្មានបែកអីទេ!”។
អត្ថបទ៖ គង់ ចាន់ស្រីមុំ និង គឹម សីហា ដល់ផ្លូវបែក?
ដូចប្រភពលាក់មុខបញ្ចេញឲ្យដឹងខាងលើ កញ្ញា គង់ ចាន់ស្រីមុំ បានផ្ញើសារបែកគ្នាជាមួយគូស្នេហ៍ លោក គឹម សីហា លើបណ្ដាញ Facebook កាលពីជាង១ខែមុន។ កាលណោះ នាងសរសេរសារថា “ផុតម៉ោង១២យប់នេះ ខ្ញុំនៅម្នាក់ឯងហើយ”។ បន្ថែមពីលើនោះ ស្រីមុំ ថែមទាំងឆ្លើយតបជាមួយអ្នកគាំទ្រថា កញ្ញាពិតជាបែកគ្នាពិតមែនទៀតផង។
យ៉ាងណា បន្ទាប់ពីនោះមក គេឃើញ គង់ ចាន់ស្រីមុំ និងសង្សារកាន់តែផ្អែមល្ហែមជាងមុន។ អីចឹងហើយថាតើពួកគេបែកគ្នាយ៉ាងម៉េចទៅ សូមមើលរូបភាពផ្អែមល្ហែមរបស់ពួកគេខាងក្រោម…!!!
ស្រីមុំ និងសីហា អបអរបុណ្យ Halloween (រូបភាព៖ បណ្តាញសង្គម គឹម សីហា)
អត្ថបទ៖ ទារិកា
0 comments:
Post a Comment