អ្នកចាំទី Mark Schwarzer បានប្រកាសចូលនិវត្តន៍ពីក្រុមជម្រើសជាតិអូស្ត្រាលីហើយកាលពីថ្ងៃពុធម្សិលមិញក្នុងវ័យ៤១ឆ្នាំ។ ការសម្រេចចិត្តរបស់អ្នកចាំទីដៃទី២នៃក្លិបតោខៀវ Chelsea កើតឡើងប៉ុន្មានម៉ោងមុនពេលគ្រូបង្គោលជម្រើសជាតិថ្មី Ange Postecoglou ប្រកាសបញ្ជីឈ្មោះកីឡាករដែលត្រូវលេងមិត្តភាពទល់នឹង កូស្តារីកា នៅថ្ងៃទី១៩ ខែនេះ។
អត្ថបទ៖ U19 វៀតណាម ទៅហាត់នៅ Arsenal ៦ខែដើម្បីត្រៀមលេងពាន U19 ឆ្នាំ២០១៤
មួយរយៈមុននេះ បន្ទាប់ពីអូស្ត្រាលីមានឈ្មោះឡើងទៅលេង World Cup ជុំផ្ដាច់ព្រ័ត្រ៣២ក្រុមចុងក្រោយនៅប្រេស៊ីល អតីតសមាជិកក្លិប Marconi Stallions, Dynamo Dresden, FC Kaiserslautern, Bradford City, Middlesbrough និង Fulham រូបនេះបាននិយាយថាខ្លួនចង់ពាក់អាវក្រុមជម្រើសជាតិក្នុងព្រឹត្តិការបាល់ទាត់ពិភពលោកមួយលើកនេះទៀតមុននឹងចូលនិវត្តន៍។
អត្ថបទ៖ ប្រទេសជាប់ទៅ World Cup រកឃើញ២១ហើយ នៅសល់តែ១១ទៀតប៉ុណ្ណោះ
ស្រាប់តែម្សិលមិញ កីឡាករដែលជាប់ជម្រើសជាតិឈុតធំអូស្ត្រាលីតាំងពីឆ្នាំ១៩៩៣មករូបនេះប្រកាសព្យួរស្បែកជើងពីក្រុមជម្រើសជាតិទៅវិញ។ យ៉ាងណាក្ដី Schwarzer បញ្ចប់អាជីពពីក្រុមជម្រើសជាតិក្នុងនាមជាកីឡាករដែលចូលលេងបានច្រើនលើកជាងគេបំផុតក្នុងប្រវត្តិសាស្ត្រជម្រើសជាតិអូស្ត្រាលី ពោលគឺចូលលេងបាន១០៩ប្រកួត៕
0 comments:
Post a Comment