បច្ចេកវិទ្យាពីមួយថ្ងៃទៅមួយថ្ងៃកាន់តែអភិវឌ្ឍមិនឈប់ឈរព្រោះ បន្ទាប់ពីកង់ហោះ ម៉ូតូហោះ និងឡានហោះលើអាកាសបានដូចយន្តហោះហើយ ថ្ងៃនេះ Lady Gaga បានបង្ហាញឈុតសំលៀកបំពាក់ដំបូងពិភពលោកដែលអាចហោះបាន។
ឈុតសំលៀកបំពាក់អាចហោះបាននេះមានឈ្មោះថា “Volantis” ដែលនៅពេលនេះនៅជា Beta Version នៅឡើយ។ ឈុតនេះអាចហោះផុតពីផ្ទៃដីបាន 3 ហ្វូត (0.9144 ម៉ែត្រ) រចនាដោយ TechHause វិស្វករបច្ចេកទេសនៃ Haus of Gaga ដោយប្រើពេលវេលានៃការផលិត២ឆ្នាំ។
អាន៖ Lady Gaga សិល្បៈក៏ខ្លាំង ស្នេហាក៏ផ្អែម
Lady Gaga ពេលសាកល្បងឈុតសំលៀកបំពាក់ហោះបាន
មុនពេលដែល Lady Gaga បង្ហាញអាល់ប៊ុម “ARTPOP” ជាផ្លូវការកាលពីថ្ងៃមុន នាងក៏បានបង្ហាញឈុតសំលៀកបំពាក់ទំនើបថ្មីដែលអាចហោះបានឈ្មោះ “Volantis” ព្រមទាំងបានពិសោធន៍ឲ្យអ្នកដែលទៅចូលរួមបានឃើញថា ឈុតនេះពិតជាអាចហោះបានពិតប្រាកដមែន។
តារានិយមម៉ូដប្លែកៗរូបនេះបានរៀបរាប់ប្រាប់ថាដំបូងឡើយនាងគ្រាន់តែចង់ស្លៀកសំលៀកបំពាក់នេះនៅក្នុងការប្រគំតន្ត្រីប៉ុណ្ណោះប៉ុន្តែនៅពេលដែលឈុតនេះចេញជាផលសម្រេចធ្វើឲ្យនាងយល់ថាវាអាចជាកម្លាំងជំរុញទឹកចិត្តចំពោះមនុស្សគ្រប់រូបក៏ថាបានព្រោះឲ្យតែមានការព្យាយាមក្ដីសុបិនច្បាស់ជាអាចកើតឡើងបាន។
អាន៖ អាកប្បកិរិយា Miley Cyrus កាន់តែយ៉ាប់ជក់បារីពេលទទួលពាន EMA AWARD 2013
Lady Gaga ក្រោយពេលសាកល្បងឈុតសំលៀកបំពាក់ហោះបាន
មិនតែប៉ុណ្ណោះ Gaga ក៏បានផ្ដល់ឱកាសឲ្យមនុស្សទូទាំងពិភពលោកដែលមានគំនិតច្នៃប្រឌិតអាចផ្ញើស្នាដៃខ្លួនមកឱ្យនាងបាននៅ The Haus Of Gaga និង TechHaus ដែលពេលនេះបានក្លាយជាក្រុមហ៊ុននិងមានដើមទុនគ្រប់គ្រាន់សម្រាប់ជួយជ្រោមជ្រែងដល់រាល់គំនិតច្នៃប្រឌិតនិងស្ថាបនាមនុស្សគ្រប់រូប៕
ទស្សនាវីដេអូសំលៀកបំពាក់ហោះបាន”Volantis”៖
0 comments:
Post a Comment