បើតាមមន្ត្រីនាយកដ្ឋានអប់រំកាយនិងកីឡាថា យ៉ាងហោចណាស់អ្នកហ្វឹកហាត់ប្រដាល់ប្រមាណ៥២៥នាក់នឹងប្រមូលផ្ដុំគ្នានៅពហុកីឡដ្ឋានជាតិដើម្បីថ្លឹងគីឡូនៅថ្ងៃទី៨វិច្ឆិកាស្អែកនេះ ត្រៀមបើកការប្រកួតជើងឯកជាតិប្រចាំឆ្នាំ។
លោក បឹង គឹម តោ អនុប្រធាននាយកដ្ឋានអប់រំកាយនិងកីឡាបានប្រាក់យើងខ្ញុំថាការប្រកួតជើងឯកប្រចាំឆ្នាំដែលរៀបចំដោយក្រសួងអប់រំកាយ យុវជន និងកីឡា ឆ្នាំនឹងចាប់ផ្ដើមពីថ្ងៃទី ៩ដល់២០វិច្ឆិកានៅ អគារដំបូលទូកស្ថិតនៅប៉ែកខាងត្បូងនៃបរិវេណពហុកីឡដ្ឋានជាតិ។ លោកថាកីឡាករទាំង ៥២៥នាក់គឺមនពីក្លិបនិងសមាគមប្រដាល់ចំនួន ១៦ស្ថាប័ន។
អត្ថបទពាក់ព័ន្ធសូមអាន៖ ដឹងថាអ្នកប្រដាល់ឡើងរេញម្ដងបានប៉ុន្មាន?
ការប្រកួតជើងឯកខាងលើនេះ ត្រូវបានបែកចែកជាពីរក្របខ័ណ្ឌគឺ ក១ និង ក២ ទាំង ផ្នែកវាយសកល និងក្បាច់បុរាណខ្មែរ (សេរី)។ ប្រិយមិត្តដែលនិយមប្រដាល់អាចទៅទស្សនាបាន ដោយការប្រកួតនឹងចាប់ផ្ដើមពីម៉ោង១រសៀលទៅ ហើយអាចបន្លាយរហូតដល់ ម៉ោង៨ទៅ៩យប់ទើបចប់ សម្រាប់ថ្ងៃដំបូងៗ។
អត្ថបទពាក់ព័ន្ធសូមអាន៖ ដឹងអ្វីខ្លះជុំវិញអ្នកប្រដាល់ល្បី កែវ រំចង់ ?
ក្លិប | ចំនួនកីឡាករ (នាក់) |
ក្រសួងមហាផ្ទៃ | ៤៨ |
ខេត្តកំពង់ស្ពឺ | ១៧ |
ព្រះខ័នរាជ | ២៣ |
ព្រៃវែង | ១៨ |
រតនគីរី | ២៨ |
កំពត | ៧ |
ភ្នំពេញ | ៩៦ |
កំពង់ធំ | ៧ |
ក្រសួងការពារជាតិ | ៨៣ |
បាត់ដំបង | ២៧ |
កំពង់ឆ្នាំង | ១៣ |
កណ្ដាល | ៦០ |
សៀមរាប | ៥ |
ឧត្ដរមានជ័យ | ២៧ |
ពោធិ៍សាត់ | ៣២ |
ក. ឧហ្សា. រ៉ែនិងថាមពល | ៣២ |
អត្ថបទ៖ ប៉ែន សុផាន់ណា
0 comments:
Post a Comment