ចាប់ផ្សឹកសង្ឃកំហូច២នាក់ លួចចេញទៅផឹកស៊ីច្រៀងខារ៉ាអូខេពេលយប់
រាជធានីភ្នំពេញ ៖ សង្ឃកំហូច២នាក់ដែលគង់នៅវត្តសារាវ័ន្ត ខណ្ឌដូនពេញ ត្រូវបានគណៈធម្មការខណ្ឌចំការមន ចាប់ផ្សឹក កាលពីវេលាព្រឹកថ្ងៃទី២៩ វិច្ឆិកា បន្ទាប់ពីសង្ឃ២នាក់នេះ គេចចេញពីវត្តទៅផឹក ស៊ីច្រៀងខារ៉ាអូខេពេលរាត្រី ហើយមកផ្លាស់ប្តូរសម្លៀកបំពាក់ នៅក្បែររបងវត្តទួលទំពូង។
សង្ឃ២រូបខាងលើ ១-ឈ្មោះ ចាន់ រតនា អាយុ២៣ឆ្នាំ ធ្លាប់បួសនៅវត្តទួលប្រាសាទ ស្រុករមាសហែក ខេត្តស្វាយរៀង និង២-ឈ្មោះ នុស សាយ័ន អាយុ១៩ឆ្នាំ ធ្លាប់បួសនៅវត្តឯករាជ្យ ស្រុកកំពង់ត្របែក ខេត្តព្រៃវែង បច្ចុប្បន្នស្នាក់នៅវត្តសារាវ័ន ។ ក្រោយពីចាប់ផ្សឹក គណៈធម្មការខណ្ឌចំការមន បានប្រគល់ទៅឱ្យវត្តសារាវ័ន ចាត់វិធានការតាមវិន័យសង្ឃ ៕
0 comments:
Post a Comment