គំនូរមួយផ្ទាំងរំលេចចេញក្បាច់គុនប្រដាល់បុរាណខ្មែរ និងរូបព្រហ្មមុខបួននៃប្រាសាទបាយ័នឆ្លុះបញ្ចាំងពីសេចក្ដីស្រលាញ់ចំពោះសិល្បៈគំនូរ និងការប្រដាល់របស់កីឡាករល្បីឈ្មោះ នួន សូរិយា។
ផ្ទាំង គំនូរ របស់ កីឡាករ នួន សូរិយា
ផ្ទាំងគំនូរដែលមានទំហំ១២០×៨០សង់ទីម៉ែត្រត្រូវបានអ្នកប្រដាល់ជើងខ្លាំង នួន សូរីយ៉ាបានប្រាប់ឲ្យដឹងថា ការប្រដាល់ក្បាច់គុនខ្មែរបុរាណ និងការគូរគំនូរជាសេចក្ដីស្រលាញ់របស់លោក ដូច្នេះជីវិតរបស់លោកមិនអាចកាត់ផ្ដាច់ចេញពីអាជីពទាំងពីរនេះបានឡើយ។
អត្ថបទពាក់ព័ន្ធ៖ ចំណងស្នេហ៍ថ្មីរបស់នួន សូរិយាក្រោយមកពីអាមេរិក
កីឡាករដែលបានចំណាយពេលពីរថ្ងៃទើបបានគូរគំនូរមួយផ្ទាំងនេះរួចរាល់ប្រាប់ថា ៖«ការប្រដាល់ និងការគូរគំនូរជាជីវិតរបស់ខ្ញុំ អីចឹងខ្ញុំចង់បង្ហាញពីស្រលាញ់ចំពោះកីឡាផ្សាភ្ជាប់នឹងគំនូរដែលបុព្វបុរសដូនតាខ្មែរយើងបន្សល់ទុកឲ្យកូនចៅខ្មែរតាំងពីបុរាណកាល។ ដូច្នេះហើយទើបបានជាខ្ញុំគូរគំនូរនេះដែលបង្ហាញពីប្រាង្គប្រាសាទ និងក្បាច់គុនបុរាណខ្មែរដែលជាមរតកដូនតាខ្មែរ»។
នួន សូរិយាដែលជាកីឡាករប្រដាល់ពូកែកណ្ដាប់ដៃ និងធ្លាប់បានផ្ដួលកីឡាករជើងខ្លាំងបរទេសរាប់ភ្លេចបានកំពុងចាប់អាជីពជាជាងគំនូរដែលផ្ដោតសំខាន់លើរូបបដិមា និងរូបផ្កា។ លោកបានក្លាយជាវិចិត្រករអស់រយៈពេលជិត២០ឆ្នាំមកហើយ៕
រូបភាពនួន សូរិយា ហ្វឹកហាត់នៅអាមេរិកកន្លងមក
អត្ថបទ៖ ជាន ចាន់រ៉ា
0 comments:
Post a Comment