ប្រសិនបើមិនមានការប្រែប្រួលនោះទេ លោកព្រាប សុវត្ថិ នឹងវិលត្រឡប់ពីប្រទេសជប៉ុនមកកម្ពុជានៅថ្ងៃស្អែកនេះហើយ បន្ទាប់ពីលោកបានចេញទៅសម្ដែងនៅក្នុងកម្មវិធីគម្រប់ខួប ៤០ ឆ្នាំ នៃទំនាក់ទំនងពាណិជ្ជកម្មជប៉ុន-អាស៊ាន។ មុនលោកត្រលប់មកវិញ លោកបានសម្ដែង និងច្រៀងបង្ហាញមោទនភាពខ្មែរនៅលើឆាកដ៏ធំនៅប្រទេសជប៉ុន។
សូមចុចអាន៖ ចម្រៀងស្នាដៃកូនខ្មែរពីរបទដែល ព្រាប សុវត្ថិនឹងយកទៅសម្ដែងនៅជប៉ុន
លោកព្រាប សុវត្ថិ ថតជុំគ្នា នៅក្នុងកម្មវិធី គម្រប់ខួប ៤០ ឆ្នាំ នៃទំនាក់ទំនងពាណិជ្ជកម្មជប៉ុន-អាស៊ាន
ក្នុងអំឡុងការសម្ដែងនៅទីនោះ លោក ព្រាប សុវត្ថិ តារាចម្រៀងកំពូលប្រចាំប្រទេសកម្ពុជា បានចូលរួមសម្ដែង ដូចតាមការគ្រោងទុក ដូច្នេះមានន័យថា អ្វីៗដំណើរការបានទៅដោយរលូន។ បទចម្រៀងពីរបទ គឺបទ “Kingdom of wonder” និង “យើងមានបេះដូង” ដែលបទចម្រៀងទាំងពីរបទនេះគឺជាស្នាដៃកូនខ្មែរ ក៏បានលើកច្រៀងនៅសាលដ៏ធំក្នុងព្រឹត្តិការណ៍នោះដែរ។
កំពូលតារាចម្រៀង ព្រាប សុវត្ថិ បានចាកចេញពីប្រទេសកម្ពុជា កាលពីថ្ងៃទី ២៦ ខែវិច្ឆិកា ទៅកាន់ប្រទេសជប៉ុន ដើម្បីចូលរួមសម្ដែងនៅទីនោះរយៈពេល៤ថ្ងៃ។ ដូច្នេះ តាមការគ្រោងទុក គឺនៅថ្ងៃស្អែកនេះ លោកនឹងត្រឡប់មកវិញ បន្ទាប់មកនឹងឡើងសម្ដែងជាថ្មីក្នុងការប្រគំតន្ត្រីរបស់ទូរទស្សន៍ហង្សមាស៕
អត្ថបទ៖ ប៊ិន ប៊ុណ្ណា
រូបថត៖ Account Facebook និង YouTube របស់ ព្រាប សុវត្ថិ
0 comments:
Post a Comment