Wow គេថាណាណា នាំប្រុសស្នេហ៍ទៅ បង្កើនភាពផ្អែមល្ហែមនៅថៃស្ងាត់ៗ?
តាមប្រភពគេហទំព័រកំសាន្តក្នុងស្រុក បានឲ្យដឹងថា តារាសំដែងសម្បុរសរ កូនកាត់ចិន ស្រស់ស្អាត សិចស៊ី កញ្ញា ណាណា បាននាំប្រុសស្នេហ៌ទៅកសាងភាពផ្អែមផ្ហែមនៅប្រទេសថៃ។
គេហទំព័រ Looking Today បានរៀបរាប់ថា ក្រោយពីតារាសម្តែង ស្រីស្អាត សម្បុរសកូនកាត់ចិន កញ្ញា ជួប ស្រីពៅ ហៅ ណាណា បានបង្ហាញមុខគូស្នេហ៍ ជាសាធារណៈ នៅលើបណ្តាញសង្គម Facebook រួចមក មិនទាន់បានប៉ុន្មាន ដង្ហើមផង នាងនិងគូស្នេហ៍ ក៏បានដឹកដៃគ្នា អូសវ៉ាលីឡើងយន្តហោះ ទៅដើរលេង ស្ងាត់ៗ នៅប្រទេសថៃ តែពីរនាក់ បង្កើនភាពផ្អែមល្ហែម ជាមួយគ្នាកាន់តែខ្លាំងជាងមុន។
ដំណឹងនេះ វាដូចជាមិនសូវជាមានការចាប់អារម្មណ៌ច្រើនពីសំណាក់មហាជន និងប្រិយមិត្តនោះទេ ព្រោះតារាសំដែងក្មេងស្រស់រូបនេះ នៅមិនអានមានឈ្មោះបោះសំលេងខ្លាំងខ្លាប៉ុន្មាននៅឡើយទេ។ តារាសំដែងចំនូលថ្មីរូបនេះ ត្រូវបាន Looking Today ចុះផ្សាយថា កញ្ញា ណាណា បានសម្រេចចិត្តបើកចំហរ ពីទំនាក់ទំនងស្នេហា ក្រៅឆាករបស់នាង ជាមួយបុរសកំពូលស្នេហ៍ ដោយជារឿយៗ គេតែងតែឃើញ ពួកគេទាំងពីរ បណ្តើរគ្នាចូលរួមកម្មវិធី មិត្តភក្តិជាច្រើន ។ មិនតែប៉ុណ្ណោះថ្មីៗនេះ តារាសម្តែងមួយគូនេះ ក៏បានដឹកដៃគ្នា ឡើងយន្តហោះ ចេញទៅដើរលេង សាងភាពផ្អែមល្ហែមស្ងាត់ៗ តែពីរនាក់នៅក្រៅប្រទេស គេចវេសពីក្រសែភ្នែក អ្នកសារព័ត៌មានក្នុងស្រុក ព្រោះតែនាងមិនចង់ មានព័ត៌មាន ចុះផ្សាយពីរឿង ឯកជនរបស់នាង។
យ៉ាងណាក៏ដោយ ការមានជីវិតឯកជនវាមិនមានអ្វីទាស់ទេសម្រាប់តារាទាំងឡាយ តែសកម្មភាពរបស់ពួកគេនៅទីសាធារណៈនិងក្លាយជាចុងប៉ាការបស់អ្នកសារពត៌មាន និងពន្លឺភ្លើង ផ្លាស់ សម្រាប់អ្នកប្រមាញ់រូបភាពនានា ដោយហេតុនេះ ទើបធ្វើឲ្យតារាល្បីឈ្មោះមួយចំនួនមិនដែលបង្ហាញទំនាក់ទំនងឯកជនរបស់ខ្លួនឲ្យអ្នកណាឃើញឡើយ៕
រូបភាព៖ Looking Today
ប្រភពពី៖ www.neavea.com
0 comments:
Post a Comment