រដ្ឋមន្ត្រីក្រសួងកីឡាប្រទេសប្រេស៊ីល លោក Aldo Rebelo ដែលទទួលបន្ទុករៀបចំព្រឹត្តិការណ៍ FIFA World Cup 2014 និង Rio Olympic 2016 ប្រកាសឱ្យដឹងថាលោកទំនងជាចុះចេញពីតំណែងក្នុងខែធ្នូចុងឆ្នាំ២០១៣នេះ ក្រោយកីឡដ្ឋានត្រៀមទទួល World Cup ទាំង១២បញ្ចប់ការសាងសង់និងជួសជុលរួចរាល់១០០%។
អត្ថបទ៖ ប្រេស៊ីល អត់ត្រូវគ្នាជាមួយអគ្គលេខាធិការ FIFA
អ្នកនយោបាយសមាជិកគណបក្សកុម្មុយនិស្តប្រេស៊ីល (Brazilian Communist Party) ម្នាក់នេះ និយាយថាលោកនឹងបើកផ្លូវសម្រាប់អ្នកថ្មីដើម្បីមកស្នងការងាររបស់លោក៦ខែមុនព្រឹត្តិការណ៍បាល់ទាត់ជម្រើសជាតិដ៏ធំបំផុតលើលោកឈានមកដល់។ ម្យ៉ាងវិញទៀត បុរសវ័យ៥៧ឆ្នាំរូបនេះបន្ថែមថាការលាលែងនេះគឺដើម្បីត្រៀមខ្លួនឡើងកាន់តំណែងជាអភិបាលក្រុង Sao Paulo ក្នុងការបោះឆ្នោតឆ្នាំក្រោយ។
អត្ថបទ៖ ប្រទេសជាប់ទៅ World Cup រកឃើញ២១ហើយ នៅសល់តែ១១ទៀតប៉ុណ្ណោះ
រដ្ឋមន្ត្រីក្រសួងកីឡានៃប្រទេសប្រេស៊ីល លោក Aldo Rebelo
គេនៅចាំបានថា ឆ្នាំទៅ លោក Rebelo ធ្លាប់មានភាពរកាំរកូសយ៉ាងក្ដៅគគុកជាមួយអគ្គលេខាធិការសហព័ន្ធកីឡាបាល់ទាត់អន្តរជាតិ (FIFA) លោក Jerome Valcke ដែលរិះគន់ថាប្រេស៊ីលធ្វើការយឺតយ៉ាវមិនទាន់សភាពការណ៍។ ជាការឆ្លើយតប ពេលនោះ លោក Rebelo បដិសេធមិនជួបជជែកគ្នាជាមួយលោក Valcke ទេ ហើយថែមទាំងស្នើទៅ FIFA ឱ្យប្ដូរអ្នកតំណាងសម្រាប់ធ្វើការជាមួយក្រសួងកីឡាប្រេស៊ីលទៀតផង។
អត្ថបទ៖ អ៊ុយរុយហ្គាយឈ្នះអាហ្សង់ទីន តែអ្នកជាប់គឺឈីលី និងអេក្វាឌ័រ (វីដេអូ)
លោក Rebelo ចូលកាន់តំណែងជារដ្ឋមន្ត្រីកីឡាកាលពីចុងឆ្នាំ២០១១ ក្រោយពេលមិត្តរួមបក្ស Orlando Silva ចុះចេញពីតំណែងទាំងបង្ខំដោយសាររងការចោទប្រកាន់ទាក់ទងនឹងការប្រព្រឹត្តអំពើពុករលួយ៕
0 comments:
Post a Comment