ខ្សែប្រយុទ្ធ សុក ចាន់រស្មី ជាជនចំណូលថ្មីក្នុងក្រុម TriAsia Phnom Penh FC បានចារឈ្មោះក្នុងប្រវត្តិសាស្រ្ត នៅវគ្គជម្រុះស្វែងរកក្រុមឡើងទៅបង្រ្គប់លីក បានមុនគេ គឺ ខាងអ្នកទាត់បញ្ជូលទីបានច្រើនជាងគេរហូតដល់ ៥ គ្រាប់ម្នាក់ឯង ត្រឹមតែ ៣ ប្រកួតប៉ុណ្ណោះ ខណៈក្រុមរបស់ខ្លួន មិនទាន់ស្គាល់រស់ជាតិចាញ់ និង មិនទាន់មានក្រុមណាទាត់បញ្ជូលទីក្នុងវគ្គនេះនៅឡើយ ពោលគឺ មានឈ្មោះឡើងទៅលេងលីក ២០១៤ ជាមួយក្រុម អាស៊ីអឺរ៉ុប។
សុក ចាន់រស្មី (ក្រហម) ពេលប្រកួតជាមួយ ព្រឹទ្ធសភា ម្សិលមិញ
ខ្សែប្រយុទ្ធដែលមានតម្លៃខ្លួនប្រមាណជា៣ពាន់ដុល្លារក្នុងការប្ដូរទ្រនំរូបនេះបានបំពេញចិត្តអ្នកគាំទ្រក្រុម TriAsia តាមរយៈគ្រាប់បាល់បំប៉ោងសំណាញ់ទី មិនអស់មិនហើយ ដោយដំបូងឡើយទាត់បាល់បញ្ជូលទីក្រុមខេត្តតាកែវ ៣ គ្រាប់ម្នាក់ឯង ខណៈក្រុមទទួលជ័យជម្នះយ៉ាងត្រចេះត្រចង់ ៧ ទល់ ០។ ក្រោយមកទៀត បន្ថែមគ្រាប់បាល់មួយគ្រាប់ ជួយឱ្យ TriAsia មាន ៦ ពិន្ទុក្នុងដៃដោយដណ្ដើមបានកៅអីឡើងមកលីកមុនគេ ពេលយកឈ្នះ អាស៊ីអឺរ៉ុប ១ – ០។
ថ្ងៃប្រកួតចុងក្រោយម្សិលមិញនេះ នៅមិនអស់ទាន់អស់ចិត្តទៀត តារានាំសំណាងឱ្យលោក Daisuke Yoshioka ខាងលើ បានរកគ្រាប់បាល់បានមួយគ្រាប់នៅនាទី ៥៥ ខណៈមិត្តរួមក្រុមរបស់គេជនជាតិជប៉ុន Shimizu Yuto បន្ថែមគ្រាប់ទី២ ឱ្យ TriAsia ឈ្នះជាលើកទី៣ លើក្រុមបាតតារាងឆ្នាំចាស់ ព្រឹទ្ធសភា ក្នុងលទ្ធផល ២ – ០ ។
លទ្ធផល Cambodian League 2014 (វគ្គជម្រុះ) | |||||
ថ្ងៃប្រកួត | ម៉ោង | គូប្រកួត | ទីកន្លែងប្រកួត | ||
១២/១០/២០១៣ | ២ រសៀល | អាស៊ីអឺរ៉ុប | ២ – ០ | ព្រឹទ្ធសភា | ពហុកីឡដ្ឋានជាតិ |
៤ រសៀល | តាកែវ | ០ – ៧ | TriAsia PPC | ||
១៦/១០/២០១៣ | ២ រសៀល | ព្រឹទ្ធសភា | ០ – ២ | ខេត្តតាកែវ | |
៤ រសៀល | TriAsia | ១ – ០ | អាស៊ីអឺរ៉ុប | ||
១៨/១០/២០១៣ | ២ រសៀល | អាស៊ីអឺរ៉ុប | ២ – ០ | តាកែវ | |
៤ រសៀល | TriAsia | ២ – ០ | ព្រឹទ្ធសភា |
ចំណែកឯលទ្ធផលប្រកួតចុងក្រោយមួយគូទៀត អាស៊ីអឺរ៉ុប បានយកឈ្នះក្រុមខេត្តតាកែវ ២ – ០ ក្រោមថ្វីជើងកីឡាករ សឿយ វិសាល នៅនាទី ៣៧ និង កីឡាករ សារី ម៉ាត់ណូរ៉ូទីន នៅនាទី៨៧ ដែលជាហេតុនាំឱ្យ ក្រុមចំណាត់ថ្នាក់លេខ៩ ឆ្នាំចាស់មួយនេះកើន ៣ ពិន្ទុ លើសក្រុមតាកែវ និង ដណ្ដើមកៅអីឡើងទៅលេងលីក ២០១៤ តែម្ដង។
អត្ថបទពាក់ព័ន្ធ៖ TriAsia បោះជិត៣០០០ដុល្លារឲ្យស្វាយរៀង នាំ សុក ចាន់រស្មី ចូលក្លិប
សុក ចាន់រស្មី ធ្លាប់ប្រកបអាជីពនៅក្លិបបាល់ទាត់ខេត្តស្វាយរៀង (ព្រះខ័នរាជ) ចំនួន ៧ ឆ្នាំ មុនផ្លាស់ប្ដូរក្លិបទៅ TriAsia PPFC កាលពីថ្មីៗ នេះ។
ចំណាត់ថ្នាក់នៃវគ្គជម្រុះក្រុមឡើងទៅលេងលីក ២០១៤ | |||||||||
R | Team | P | W | D | L | F | A | D/G | Pnt |
១ | TriAsia PPFC | ៣ | ៣ | ០ | ០ | ១០ | ០ | ១០ | ៩ |
២ | អាស៊ីអឺរ៉ុប | ៣ | ២ | ០ | ១ | ៤ | ១ | ៣ | ៦ |
៣ | ខេត្តតាកែវ | ៣ | ១ | ០ | ២ | ២ | ៩ | -៧ | ៣ |
៤ | ព្រឹទ្ធសភា | ៣ | ០ | ០ | ៣ | ០ | ៦ | -៦ | ០ |
0 comments:
Post a Comment