ខ្សែបម្រើមានល្អិតតែល្បឿនលឿន Aaron Lennon ផ្ដល់ភាពសប្បាយរីករាយដល់ក្រុមមាន់ខ្នាយមាស Tottenham Hotspur តាមរយៈការចូលហ្វឹកហាត់ពេញលេញមួយរយភាគរយឡើងវិញ បន្ទាប់ពីជាសះស្បើយពីរបួស ដែលធ្វើឱ្យរូបគេអវត្តមានតាំងថ្ងៃបើកឆាក Premier League រដូវកាលថ្មីនេះមក។
អត្ថបទ៖ Poyet ប្ដេជ្ញាស្រោចស្រង់ Sunderland ពីបាតតារាងក្រោយក្លាយជាអ្នកចាត់ការថ្មី
អតីតយុវជនរបស់ក្លិប Leeds United វ័យ ២៦ឆ្នាំរូបនេះ បាត់មុខតាំងពីក្រោយពេលរងរបួសប្រអប់ជើង អំឡុងពេល Spurs ប្រកួតនៅទឹកដីក្រុម Crystal Palace មកម្ល៉េះ ដែលបណ្ដាលឱ្យគេខកខានការប្រកួតរបស់ Spurs អស់១១ប្រកួតមកហើយ។ ប៉ុន្តែពេលនេះរបួសបានជាដាច់ហើយ ហើយអ្នកចាត់ការ Andre Villas-Boas សង្ឃឹមថាកីឡាករអន្តរជាតិអង់គ្លេសម្នាក់នេះនឹងវិលចូលទីលានសាជាថ្មីនៅទឹកដីក្រុម Aston Villa នាថ្ងៃទី២០ ខែតុលា។
Aaron Lennon (ឆ្វេង) ពេលកំពុងហ្វឹកហាត់
អ្នកចាត់ការសញ្ជាតិព័រទុយហ្គាល់វ័យ៣៥ និយាយលើគេហទំព័ររបស់ក្លិបថា៖ “ខ្ញុំពិតជាសប្បាយចិត្តខ្លាំងណាស់។ Aaron អវត្តមានអស់រយៈពេលយ៉ាងយូរ តែពេលនេះក្រុមទាំងមូលសោមនស្សចំពោះការវិលត្រលប់របស់គេ។ ពីមួយឆ្នាំទៅមួយឆ្នាំ គេបានបង្ហាញឱ្យយើងឃើញពីភាពសំខាន់របស់គេចំពោះក្រុម ដូច្នេះវត្តមានរបស់គេគឺជាជំនួយដ៏ចម្បងសម្រាប់ពួកយើង”។
អត្ថបទ៖ Wenger និង Ramsey ឈ្នះពានអ្នកចាត់ការ និងកីឡាករល្អប្រចាំខែនៅ BPL
ចុងសប្ដាហ៍នេះលីកធំៗរបស់អឺរ៉ុបមិនមានការប្រកួតនោះទេ ដោយសារកីឡាករភាគច្រើនត្រូវទៅបំពេញភារកិច្ចនៅក្រុមជម្រើសជាតិក្នុងយុទ្ធនាការជម្រុះ World Cup 2014។ លីកទាំងនោះនឹងចាប់ដំណើរការវិញនៅចុងសប្ដាហ៍ក្រោយ ក្នុងនោះ Spurs ត្រូវធ្វើដំណើរទៅទឹកដីក្រុម Aston Villa ក្នុងក្របខ័ណ្ឌ Barclays Premier League៕
0 comments:
Post a Comment