៧ ចំណុចដើម្បីរក្សាថាមពលថ្មលើ iOS 7
គិតមកដល់ពេលនេះ ប្រហែលជា iDevice របស់មិត្តអ្នកអានទាំងអស់គ្នា Update ឡើងទៅ iOS7 អស់ហើយ។ ដោយសារអ្នកប្រើប្រាស់មួយចំនួនមានបញ្ហាថាមពលថ្ម ទំព័រនេះសូមបង្ហាញពីវិធី ៧ ចំណុចដើម្បីរក្សាថាមពលថ្ម។ ចង់ដឹងថាមានអីខ្លះអត់?
១.បិទ Background App Refresh
ក្នុង iOS 7 គឺមាន Feature ថ្មីមួយហៅថា Background App Refresh មានមុខងារ Refresh Background លើទូរសព្ទរបស់អ្នក នៅពេលដែលអ្នកប្រើអ៊ីនធឺណិត តាមរយៈ Wi-Fi ឬក៏ cellular។ ដូច្នេះប្រសិនបើអ្នកបិទមុខងារមួយនេះ ការខ្ចះខ្ជាយថាមពលថ្មនឹងកាត់បន្ថយបានខ្លះដែរ។
ដើម្បីបិទចំណុចនេះ សូមចូលទៅកាន់ Settings > General > Background App Refresh។
២. បិទ Location-Tracking Apps
កម្មវិធីមួយចំនួនដូចជា Google Maps , Twitter , Facebookឬក៏ iOS កាមេរ៉ា តែងតែចាប់យកទីតាំងទូរសព្ទយើងរាល់ពេលវេលា។ ទោះជាយ៉ាងណាក៏ដោយ យើងក៏អាចបិទចំណុចនេះផងដែរ។ ដើម្បីបិទសូមចូលទៅកាន់ Settings > Privacy > Location Services។ មិត្តអ្នកអានអាចបិទកម្មវិធីទាំងអស់ ឬក៏កម្មវិធីមួយចំនួនដែលមានមុខងារចាប់យក Location នេះ។
៣. Parallax
មុខងារថ្មីមួយទៀតក្នុង iOS 7 គឺ Wallpaper អាចលោតផ្លាស់ប្ដូរបាននៅខាងក្រោយផ្ទាំងកម្មវិធីផ្សេងៗ។ Feature នេះថ្មីហើយធ្វើឱ្យទូរសព្ទអ្នកប្លែកពិតមែន ប៉ុន្តែវាអាចស៊ីថាមពលថ្មទូរសព្ទអ្នកក៏មិនណយដែរ។
ចំណុចនេះអ្នកអាចចូលទៅកាន់ Settings > General > Accessibility and click Reduce Motion to “on.” ។
៤. Automatic Updating
កាន់តែពិសេសជាងមុខ រាល់កម្មវិធីដែលអាច Update បាន អ្នកប្រើប្រាស់ទាំងអស់មិនចាំបាច់ចុច Update ឡើយ គឺវានឹង Update ដោយខ្លួនឯង នៅក្នុង iOS 7។ Update ហើយ Download ដោយមិនដឹងខ្លួនចឹង គឺវាស៊ីថាមពលថ្មណាស់ ដូច្នេះដើម្បីបិទសូមចូលទៅ Settings > iTunes and Apple Store and uncheck the Updates option ។
៥. បិទ AirDrop
AirDrop ជាមុខងារមួយអាចឱ្យអ្នកប្រើប្រាស់ទាំងអស់ចែករំលែកឯកសារផ្សេងៗនៅក្នុង Network តែមួយ ហើយជាទូទៅវាតែងតែបើកជានិច្ច។ ដើម្បីបិទមុខងារនេះ គ្រាន់តែចូលទៅកាន់ Control Center ហើយចុចវាទៅជាការស្រេច។
៦.បន្ថយពន្លឺអេក្រង់
ចំណុចនេះដូចជាមិនចាំបាច់និយាយច្រើនទេ ព្រោះថាអ្នកណាៗក៏ដឹងចំណុចនេះដែរ។ ចូលទៅ settings > Wallpapers & Brightness បិទ Auto-Brightness ឬក៏បន្ថយដោយខ្លួនឯង។
ចូលទៅ Settings > General > Spotlight Search បិទអ្វីដែលចាំបាច់ដូចជា event និង podcasts ជាដើម។
កុំភ្លេចសាកល្បងទាំងអស់គ្នាណា៎ ! ក្រែងអាចធ្វើឱ្យមានថ្មលេងហ្វេសបុកបានយូរជាងនេះ
ដោយ nob70
ប្រភព៖ mashable
0 comments:
Post a Comment