លោក Jurgen Klopp គ្រូបង្វឹកក្រុម Borussia Dortmund នៅតែចិញ្ចឹមចិត្តចង់បានអតីតកីឡាកររបស់ខ្លួន Shinji Kagawa ត្រលប់ទៅរួមទ្រនំវិញដដែល ចំពេលដែលខ្សែបម្រើជម្រើសជាតិជប៉ុនរូបនេះមិនជាប់ក្នុងក្រសែភ្នែកអ្នកចាត់ការក្លិបបិសាចក្រហម Manchester United, David Moyes នោះឡើយ។
Kagawa ក្រោយស៊ុតបញ្ចូលទីឲ្យ Man Utd កន្លងមក
Kagawa ជាកីឡាករកំពូលម្នាក់កាលនៅអាល្លឺម៉ង់ ប៉ុន្តែការផ្លាស់មកកាន់អង់គ្លេស បែរជាមិនសូវបានបង្ហាញខ្លួនទៅវិញ ជាពិសេសក្រោមការដឹកនាំរបស់ Moyes។ ដោយសារតែបែបនេះហើយ ទើបព័ត៌មាននៃការផ្លាស់ទៅកាន់ Dortmund វិញបានលេចជារូបរាងឡើង ដោយក្នុងនោះ Man Utd ចង់បានខ្សែការពារ Neven Subotic របស់ Dortmund ជាផ្នែកមួយនៃការដោះដូរ។
យ៉ាងណាក្ដី Klopp បានបដិសេធថាការចង់បាន Subotic គឺមិនអាចទៅរួចទេ ត្បិតខ្សែការពារវ័យ២៤ឆ្នាំរូបនេះជាផ្នែកមួយដ៏សំខាន់របស់ក្លិប។
ប្រភពជិតស្និទ្ធនឹង Dortmund បានបញ្ជាក់ឲ្យដឹងថា៖ “Jurgen ចង់បាន Kagawa ត្រលប់មកក្លិបវិញ ហើយគាត់បានបើកទ្វារចាំទទួល Kagawa ជានិច្ច។ Shinji បានចាកចេញទាំងក្ដុកក្ដួលក្នុងចិត្ត ប៉ុន្តែគាត់មិនអាចបដិសេធឱកាសលេងឲ្យ United បាន។ តែឥលូវអ្វីៗប្រែជាមិនសូវល្អ ដូច្នេះគាត់នឹងត្រូវស្វាគមន៍ឲ្យវិលវិញ”។
ក្រោយឡើងស្នងដំណែង Sir Alex Fergusen នារដូវកាលនេះ លោក Moyes ហាក់មិនចាប់អារម្មណ៍នឹង Kagawa នោះទេ ពោលគឺដាក់ឲ្យលេងជម្រើសដំបូងតែម្ដងប៉ុណ្ណោះពេលប៉ះ West Brom ហើយបានប្ដូរចេញវិញយ៉ាងលឿនផងដែរ។
David Moyes និង Kagawa
គ្រូបង្វឹក Dortmund លោក Jurgen Klopp
Subotic (លឿង) របស់ Dortmund ដែល Man Utd ចង់បាន
តើ Kagawa នឹងអាចចេញពី Man Utd ទៅកាន់ទ្រនំចាស់វិញដែរឬទេ ក្នុងទីផ្សារដោះដូរកីឡាករដែលបើកទ្វារនាខែមករាខាងមុខនេះ?
0 comments:
Post a Comment