កាត់ទោសកម្មករសំណង់៣នាក់រំលោភបូកអ្នកលក់ទឹកត្នោតជូរ រួចអារកសម្លាប់
ភ្នំពេញ៖ សាលាដំបូងរាជធានីភ្នំពេញ កាលពីព្រឹកថ្ងៃទី ១០ តុលា ២០១៣ នេះ បាន ធ្វើការជំនុំជម្រះ និង កាត់ទោសបុរសជនជាប់ចោទ ៣នាក់ជាប់ពាក់ព័ន្ធនឹងការរំលោភសេពសន្ទវៈបូកលើ ស្រ្តីអ្នកលក់ទឹកត្នោតជូរម្នាក់ បន្ទាប់មក បានអារក សម្លាប់ជនរងគ្រោះ ប្រព្រឹត្តនៅក្នុងបន្ទប់ជួលរបស់ជនរងគ្រោះ ស្ថិតនៅក្នុងក្រុមទី៧ ភូមិខ១ សង្កាត់ច្រាំងចម្រេះ មុនចូលឆ្នាំខ្មែរឆ្នាំ២០១៣នេះ។
លោក កោ វណ្ឌី អនុប្រធាន និងជាប្រធានចៅក្រមប្រឹក្សានៃសាលាដំបូងរាជធានីភ្នំពេញ បានឲ្យដឹងថា៖ ជនជាប់ចោទទាំង៣នាក់ខាងលើនេះ មានឈ្មោះទី១- ឈ្មោះ សូ សំអឿន ភេទប្រុស អាយុ ៤២ ឆ្នាំ មានមុខរបរជាកម្មករសំណង់ស្នាក់នៅក្នុងបន្ទប់ជួល ស្ថិតនៅក្នុងក្រុមទី៧ ភូមិ ខ១ សង្កាត់ច្រាំងចម្រេះ ២ ខណ្ឌឬស្សីកែវ ទី២- ឈ្មោះ នុត នេត ភេទប្រុស អាយុ២១ ឆ្នាំ មានមុខរបរជាកម្មករសំណង់និងទី៣ -ឈ្មោះ ហ៊ាន មាន ភេទប្រុសអាយុ ៣៣ ឆ្នាំ មានមុខរបរលក់ទឹកត្នោតជូរនិងកម្មករសំណង់។
ពួកគេត្រូវបានចោទប្រកាន់ពីតុលាការពីបទ«រំលោភសេពសន្ទវន្ទៈមានស្ថានទម្ងន់ទោស ដោយសារមរណៈភាពជនរងគ្រោះ» តាមមាត្រា ៤៤ នៃ ក្រមព្រហ្មទណ្ឌកម្ពុជា។ នៅក្នុងសំណុំរឿងនេះ ក្រុមគ្រួសារជនរងគ្រោះ បានទាមទារជម្ងឺចិត្តចំនួន ១៥០០០ ដុល្លារ ពីជនជាប់ចោទទាំង៣នាក់។
តុលាការដំបូងរាជធានីភ្នំពេញ នឹងប្រកាសសាលក្រម នៃ សំណុំរឿងនេះ នៅថ្ងៃទី ៨ ខែវិច្ឆិកា ២០១៣ខាងមុខនេះ។
សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍
0 comments:
Post a Comment