Quick គឺជាឈ្មោះក្រុមរាំជនជាតិន័រវែសមួយដែលឈរជើងក្នុងទីក្រុងអូស្លូ។ ក្រុមនេះត្រូវបានបង្កើតឡើងក្នុងឆ្នាំ ២០០៦ ដោយបងប្អូនភ្លោះ Suleman និង Bilal Malik និងមិត្តភ័ក្ដិកុមារភាពរបស់ពួកគេ Nasir Sirikhan។
ក្រុមនេះធ្លាប់ឈ្នះពានរង្វាន់ជាតិ ពានរង្វាន់អឺរ៉ុប និងពិភពលោកជាច្រើន ក្នុងនោះពួកគេគឺជាជយលាភីពានរង្វាន់ទូរទស្សន៍ដ៏ល្បីល្បាញ Norway’s Got Talent ឆ្នាំ ២០០៩ ទៀតផង។ នៅឆ្នាំ ២០១០ បងប្អូនភ្លោះខាងលើបានឈ្នះមេដាយមាសនាការប្រកួត Hip Hop ពិភពលោកជាលក្ខណៈរាំគូ ខណៈសមាជិកម្នាក់ទៀតគឺ Nasir ទទួលបានមេដាយប្រាក់ផ្នែករាំទោល។
អាន៖ រំលឹកប្រវត្តិ វីរសិល្បករ លោកតា ស៊ីន ស៊ីសាមុត (Video)
Quick បានបើកស្ទូឌីយោផ្ទាល់ខ្លួនឈ្មោះថា QuickStyle ក្នុងឆ្នាំ ២០១០ ហើយក៏ជាអ្នកសិល្បៈដែលមិនស្ថិតក្នុងផ្នែកចម្រៀងមួយក្នុងចំណោមអ្នកសិល្បៈដ៏កម្រដទៃទៀតដែលអាចចុះហត្ថលេខាជាមួយក្រុមហ៊ុន Sony Music។
ក្រុមរាំដ៏មានឈ្មោះបោះសំឡេងនេះមិនត្រឹមតែសម្ដែងទូទាំងប្រទេសរបស់ពួកគេតែម៉្យាងទេ ពួកគេក៏បំពេញបេសកកម្មសម្ដែងនៅប្រទេសជាច្រើនជុំវិញពិភពលោកផងដែរ។
ចង់ដឹងថា ពួកគេសម្ដែងអស្ចារ្យប៉ុណ្ណាសូមមើលវីដេអូពួកគេសម្ដែងក្នុងពិធីរាំ The Big Groove ប្រចាំឆ្នាំ 2013 នៅសាលមហាសន្និបាត Suntec ប្រទេសសិង្ហបុរីខាងក្រោម៖
0 comments:
Post a Comment