សម្លាប់កូនប្រសាថៅកែគ្រឿងសំណង់ អាចជាគម្រោងរបស់ប្តីនិងស្រីស្នេហ៍
រាជធានីភ្នំពេញ ៖ សមត្ថកិច្ចខណ្ឌមានជ័យ បានកោះហៅ បុរសជាប្តី និងសាក្សីមួយចំនួនទៀត រួមទាំងស្ត្រីស្នេហ៍របស់ស្វាមី ជនរងគ្រោះផងដែរ ទៅសាកសួរជុំវិញ ករណីឃាតកម្ម អាកសម្លាប់ ស្ត្រីកូនប្រសារថៅកែសំណង់ ដល់ក្នុងបន្ទប់ដេក នៅផ្ទះជាន់ទី១ ក្នុងភូមិដើមម៉ាក់ឃ្លើ សង្កាត់ច្បារអំពៅទី១ ខណ្ឌមានជ័យ កាលពីម៉ោងប្រមាណ ៩ និង៣០នាទី យប់ថ្ងៃទី១០ ខែតុលា ឆ្នាំ២០១៣កន្លងទៅនេះ។
ក្រោយករណីឃាតកម្ម ដ៏ឃោរឃៅនេះ កម្លាំងនរគបាលព្រហ្មទណ្ឌ ខណ្ឌមានជ័យ បានធ្វើការស្រាវជ្រាវ និងស៊ើបអង្កេតជាបន្តបន្ទាប់ រហូតដល់ថ្ងៃទី១៣ ខែតុលា ឆ្នាំ២០១៣នេះ សមត្ថកិច្ចបានកោះហៅ បុរសឈ្មោះ សឺ លូផេងឡុង អាយុ ៣២ ឆ្នាំ ជាប្តីនារីរងគ្រោះ និងជាកូនបង្កើតថៅកែសំណង់ឈ្មោះ ហ៊ាតុង រួមទាំងនារីម្នាក់ទៀត មកសួរនាំជុំវិញករណីករណីឃាតកម្មនេះ។ លទ្ធផលនៃការសាកសួរ មិនទាន់ដឹងនៅឡើយទេ ហើយសមត្ថកិច្ច កំពុងបន្តសាកសួរបុរសជាប្តី និងសាក្សីមួយចំនួន នៅអធិការដ្ឋាន នគរបាលខណ្ឌមានជ័យ។
ស្ត្រីវ័យក្មេងម្នាក់ទៀតមានឈ្មោះ ប្រាក់ សុវណ្ណវលក្ខណ៍ ភេទស្រី អាយុ ២៣ ឆ្នាំ ជាបុគ្គលិកក្រុមហ៊ុនឯកជនមួយ មានទីលំនៅតាមបណ្ដោយផ្លូវលេខ៣១០ សង្កាត់បឹងកេងកង៣ ខណ្ឌចំការមន ហើយស្ដ្រីម្នាក់នេះត្រូវជា សង្សារកំណាន់របស់ឈ្មោះ សឺ លូផេងឡុង ។ យោងតាមប្រភពព័ត៌មានមួយ បានឱ្យដឹងថា ឃាតកម្មចាក់ និងអារកសម្លាប់ ទៅលើស្រីជាកូនប្រសារ ថៅកែសំណង់ឈ្មោះ ហ៊ាតុង គឺជាគម្រោងការរបស់ ជនសង្ស័យទាំង២នាក់នេះ។
សូមរំលឹកថា ស្ត្រីឈ្មោះ ជួ លីជូ អាយុ ៣៤ ឆ្នាំ ជាកូនប្រសារស្រីរបស់ថៅកែ សំណង់ឈ្មោះ ហ៊ាតុង ត្រូវបានជនល្មើសចូលទៅអារកសម្លាប់ នៅក្នុងបន្ទប់ដេក ទាំងមិនដឹងមូលហេតុ ហើយក្រៅពីអារកសម្លាប់ ស្ត្រីរងគ្រោះហើយ ជនសង្ស័យបានយក ទ្រព្យសម្បត្តិរួមមាន ខ្សែដៃពេជ្រ១, ចិញ្ចៀនពេជ្រ ២ វង់, លុយ ១៣.០០០ ដុល្លារ និងលុយខ្មែរ ជាច្រើនលានរៀលទៀត៕
ប្រភពពី៖ www.ve-news.com
0 comments:
Post a Comment