កីឡាការិនី Rebekkah Brunson ដែលកំពុងមានផ្ទៃពោះ៨ខែទៅហើយនោះមិនបានសម្រាកទេ ប៉ុន្តែនៅបន្តចូលលេងឱ្យក្រុម Minnesota Lynx យកឈ្នះក្រុម Atlanta Dream ក្នុងការប្រកួតវគ្គផ្ដាច់ព្រ័ត្រពានរង្វាន់បាល់បោះជាតិ Women’s National Basketball Association championship កាលពីថ្ងៃព្រហស្បតិ៍ហើយលើកពានជើងឯកជាលើកទី២ក្នុងរយៈពេល៣ឆ្នាំចុងក្រោយនេះ។
អត្ថបទ៖ អាយុ៥០ឆ្នាំហើយនៅចាំទីក្នុងលីកអាជីពបានទៀត
ក្រោយទទួលបានជ័យជម្នះ ទាំងមិត្តរួមក្រុមទាំងគ្រូបង្វឹកក្រុម Minnesota Lynx សុទ្ធតែសរសើរសមត្ថភាពរបស់កីឡាការិនីវ័យ៣១ឆ្នាំរូបនេះមិនដាច់ពីមាត់។ ជាក់ស្ដែង អ្នកស្រី Cheryl Reeve ដែលជាគ្រូបង្វឹក និយាយថា៖ “Rebekkah គឺជាអ្នកផ្លាស់ប្ដូរការប្រកួតយ៉ាងពិតប្រាកដ។ នាងធ្វើបានល្អទាំងអស់ ទាំងរារាំងការស៊ុតរបស់គូប្រកួត រហ័សរហួនក្នុងការដណ្ដើមបាល់ឡង (rebound) និងការប្រយុទ្ធនៅទីរបស់ដៃគូ។ តាំងពីឡើងគីឡូ១៨គីឡូក្រាមមក ទម្រង់លេងរបស់នាងកាន់តែរីកចម្រើនជាងមុន ខ្ញុំមិនដែលឃើញកីឡាការិនីណាលេងល្អបែបនេះទេពីមុនមក។ គ្មាននរណាអាចបិទនាងជាប់ទេ”។
អត្ថបទ៖ មើលខ្សែប្រយុទ្ធប្រេស៊ីលម្នាក់នេះអូសបាល់ទៅស៊ុតរួច គួរឱ្យសរសើរមែន!
គួរឱ្យដឹងដែរថា ខ្សែប្រយុទ្ធកម្ពស់១,៨៨ម៉ែត្រខាងលើ ថែមទាំងត្រូវបានជ្រើសរើសជាកីឡាការិនីល្អជាងគេបំផុតប្រចាំពានរង្វាន់នេះទៀតផង (WNBA Finals MVP) ធ្វើឱ្យនាងក្លាយជាកីឡាការិនីទី៥ក្នុងប្រវត្តិលីកបាល់បោះស្ត្រីនេះ ដែលមានផ្ទៃពោះហើយជាប់ជាកីឡាការិនីល្អ៕
0 comments:
Post a Comment