iPhone 5S បានធ្លាក់ថ្លៃយ៉ាងលឿនស្ទើរតែគ្រប់ហាងលក់ទូរសព្ទនានានៅរាជធានីភ្នំពេញ បន្ទាប់ពីទូរសព្ទដ៏ទំនើបរបស់ Apple នេះត្រូវបានគេដាក់លក់ក្នុងតម្លៃខ្ពស់កប់ពពក ពេលចេញលក់លើទីផ្សារដំបូងកាលពីពាក់កណ្ដាលខែកញ្ញានេះ។
ចំណែក iPhone 5S ពណ៌មាសដ៏គួរឲ្យចាប់អារម្មណ៍វិញ សម្រាប់ទំហំ 16 GB តម្លៃលក់លើទីផ្សារប្រហែល ១២០០ ដុល្លារ ខណៈទំហំ 32 GB តម្លៃប្រហែល ១៤០០ ដុល្លារ។
បើតាមការសង្កេតឃើញថា iPhone 5S បានធ្លាក់ថ្លៃយ៉ាងគំហុកមិនថាពណ៌មាស, ពណ៌ស និងពណ៌ខ្មៅ ពេលវាយលុកទីផ្សារដំបូង តម្លៃលក់គឺមិនក្រោម ១០០០ ដុល្លារ និង iPhone 5 ពណ៌មាសអាចឡើងជិត ២០០០ ដុល្លារក៏មានដែរ។
បើតាមម្ចាស់ហាងលក់ទូរសព្ទដ៏ធំ សុខ លី ប្រាប់ថា មិនមានអ្វីប្លែកនោះទេ សម្រាប់ទីផ្សារឡើងចុះរបស់ iPhone ស៊េរីថ្មី។ ជាមួយគ្នានេះ លោកបានបញ្ជាក់ថា ការធ្លាក់ថ្លៃយ៉ាងលឿននេះ ក៏មិនមែនមានន័យថា iPhone 5S លែងជាទីពេញនិយមនោះដែរ គឺនៅតែមានអតិថិជនទិញច្រើនជាធម្មតា។
យ៉ាងណា គេជឿជាក់ថា តម្លៃ iPhone 5S នឹងបន្តធ្លាក់ថ្លៃបន្ថែមទៀតនៅពេលខាងមុខ។
សូមរង់ចាំមើលហាងឆេងតម្លៃទូរសព្ទដែល Update នៅពេលបន្តិចទៀតនេះ។
អត្ថបទ៖ ប៊ុណ្ណារ៉ា
0 comments:
Post a Comment