ប្រិយមិត្តបានដឹងល្ហៀងៗនូវចចាមអារ៉ាមខ្លះៗពីរូបថតសម្បក iPad 5 បែកធ្លាយរួចមកហើយ ចំណែកឯខណៈពេលនេះវិញ សូមមកទស្សនាវីដេអូ Tablet ជំនាន់ថ្មីទី៥ ដ៏អាថ៌កំបាំងនេះវិញម្ដង តើបានតម្រុយអីខ្លះដែរលើកនេះ?
អាន៖ ធ្លាយ iPad mini 2 ពណ៌មាសបំពាក់ TouchID, RAM 1GB, A7 Chip ដូច iPhone 5S
ជាវីដេអូដែលបានបង្ហោះចេញពីគេហទំព័រ Sw-box បង្ហាញពីការប្រៀបធៀបរវាង iPad 5 និង iPad 4 និង iPad Mini។ តាមវីដេអូនេះបានបង្ហាញពីកម្រាស់ខុសគ្នារវាង iPad 5 និង iPad 4 ដែល Tablet ជំនាន់ថ្មីមានកម្រាស់ស្ដើងជាង iPad 4 (ដែលមាន ៩,៤មម) ២មម ហើយសម្បកអាលុយមីញ៉ូមដែលបំពាក់លើ iPad 5 ស្រាលជាងមុន ៥០ក្រាម ថយពី ១៤៦ក្រាមមកត្រឹម ៩២ក្រាមប៉ុណ្ណោះ។ ចំណែកការឌីហ្សាញរូបរាង មានលក្ខណៈយកលំនាំតាម iPad Mini។
អាន៖ iPad 5 ធ្លាយតម្លៃ ខណៈរូបរាងពិតនៅមិនទាន់ច្បាស់
ចំណុចគួរចាប់អារម្មណ៍មួយទៀតគឺស្ថិតនៅត្រង់ Speaker បានប្ដូរទីតាំងមកស្ថិតនៅផ្នែកក្រោមដូចនៅលើ iPad Mini និង iPhone 5 ដែរ។ ចំណែក mic ប្ដូរទៅខាងក្រោយក្បែរកាមេរ៉ា។
Apple ត្រូវគេរំពឹងថា នឹងប្រកាសចេញ iPad 5 មានពណ៌ចំនួន ៣ ដូចជា iPhone 5S ដែរគឺ (ពណ៌ប្រផេះ, ប្រាក់ និងពណ៌មាស) ក្នុងសន្និសីទកាសែតនៅថ្ងៃទី ១៥ តុលាខាងមុខជាមិនខាន។
រង់ចាំមើលទាំងអស់គ្នា តើ iPad 5 នឹងមានលក្ខណៈសម្បត្តិល្អយ៉ាងណាធៀបនឹង iPad មុនៗ។
តាមដានព័ត៌មានជុំវិញ iPad 5 សូម ចុចត្រង់នេះ …
0 comments:
Post a Comment