Cellcard ដែលជាបណ្តាញទូរសព្ទចល័តលំដាប់ថ្នាក់លេខ ១ នៅកម្ពុជា បានរៀបចំបើកសម្ពោធកម្មវិធី Cellcard Rewards ក្នុងគោលបំណងផ្តល់ដល់អតិថិជននូវអត្ថប្រយោជន៍បន្ថែម និងគុណតម្លៃពិសេសលើសពីសេវាទូរគមនាគមន៍។
កម្មវិធី Cellcard Rewards ជាកម្មវិធីដ៏ធំបំផុតផ្តល់ជូនពិសេសសម្រាប់អតិថិជន Cellcard ទាំងអស់ ដោយផ្តល់ការបញ្ចុះតម្លៃលើទំនិញ និងសេវាកម្មផ្សេងៗនៅតាមបណ្ដាហាងលក់ល្បីៗនានាដែលរួមមានដូចជាភោជនីយដ្ឋាន, ហាង Spas, ហាងកែសម្ផស្ស, ហាងលក់គ្រឿងទេស ព្រមទាំងហាងលក់ទំនិញជាង ១៥០០ កន្លែងទូទាំងប្រទេសកម្ពុជា ដែលគ្របដណ្តប់គ្រប់ស្ថានភាពនៃជីវិតរស់នៅរបស់អតិថិជន។
លោក អៀន វ៉ាតសុន នាយកប្រតិបត្តិរបស់ក្រុមហ៊ុន Cellcard បានឲ្យដឹងថា នេះជាការបញ្ជាក់អះអាងសាជាថ្មីរបស់ Cellcard ក្នុងការប្តេជ្ញាចិត្តចំពោះអតិថិជន ដោយផ្តល់ជូននូវសេវាកម្មនិងតម្លៃដ៏ល្អបំផុត ព្រមទាំងជំរុញកិត្តិនាមក្នុងនាមជាក្រុមហ៊ុនទូរគមនាគមន៍លេខ ១ នៅក្នុងប្រទេស។
លោកបន្តថា៖ “អតិថិជនរបស់ Cellcard ត្រូវបានផ្តល់សិទ្ធិទាំងស្រុង ក្នុងការទទួលបានការបញ្ចុះតម្លៃរហូតដល់ទៅ ៥០ ភាគរយនៅគ្រប់ទីកន្លែងមានស្លាកសញ្ញា Cellcard Rewards Partner។
យោងតាមគុណតម្លៃក្នុងការបន្ថែមសេវានេះ Cellcard មិនតម្រូវឲ្យអតិថិជនភ្ជាប់គម្រោងឬបង់កម្រៃសេវានោះទេ គឺផ្តល់អាទិភាពសម្រាប់អតិថិជនរបស់ Cellcard ដែលបានប្រើប្រាស់ប្រព័ន្ធទូរសព្ទ យ៉ាងតិចបំផុតក្នុងរយៈពេល ៣ ខែ ទើបពួកគេអាចទទួលបានកាតបញ្ចុះតម្លៃដើម្បីទិញទំនិញនៅតាមបណ្តាហាងជាដៃគូរបស់ក្រុមហ៊ុន។
Cellcard នឹងចេញយុទ្ធនាការដ៏ធំ Cellcard Award ដែលនឹងចាក់ផ្សាយតាមបណ្តាប្រព័ន្ធផ្សព្វផ្សាយនានាចាប់ពីថ្ងៃ ៣០ កញ្ញា ដែលយុទ្ធនាការនេះចាប់ផ្តើមដំណើរការស្របជាមួយនឹងការផ្សព្វផ្សាយយ៉ាងរហ័សមុនគេ ដែលផ្តល់ជូនអតិថិជនចំនួន ៥០០០ នាក់ដំបូង ដែលមកប្តូរយកកាតរង្វាន់នៅតាមបណ្តាហាងការិយាល័យ Cellcard ដែលផ្តល់រង្វាន់ភ្លាមៗ។
0 comments:
Post a Comment