ខ្លាញីទាំង៤ក្នុងពិភពសិល្បៈចម្រៀងខ្មែរ មានកញ្ញា ឱក សុគន្ធកញ្ញា កញ្ញា មាស សុខសោភា សុខ ពិសី និងកញ្ញា សុគន្ធ និសា ត្រូវបានប្រិយមិត្តអ្នកគាំទ្រលើបណ្ដាញ Facebookយកដាក់ផ្ទឹមគ្នានាម្សិលមិញនេះ ដើម្បីរកអ្នកខ្លាំងលើភ្នំតែមួយ។
មុនដល់ការសម្រេចចិត្តជ្រើសរើសនរណាម្នាក់ក្នុងចំណោមពួកគេទាំង៤ ជាជើងខ្លាំង តោងរកឲ្យឃើញចំណុចពិសេសរៀងខ្លួនរបស់ពួកគេសិនមែនទេ?
រូបភាពផ្គូរផ្គងដែលធ្វើលើតារាស្រីជើងខ្លាំងទាំង៤ លើ Facebook
កញ្ញា ឱក សុគន្ធកញ្ញា តារាចម្រៀងរបស់ផលិតកម្មហង្សមាសរូបនេះ បានឈរឈ្មោះជាតារាស្រីជួរមុខនៅផលិតកម្មនេះកាលពីឆ្នាំមុន ស្របពេលបទចម្រៀងជាច្រើនរបស់នាង បានទទួលបានការគាំទ្រ។ ដូច្នេះហើយ កាលពីឆ្នាំមុន តារារូបនេះ បានស្ថិតក្នុងខ្សែភ្នែករបស់ក្រុមហ៊ុនធំៗសម្រាប់ការផ្សព្វផ្សាយពាណិជ្ជកម្ម ដូចជាក្រុមហ៊ុនភេសជ្ជៈ ទូរស័ព្ទចល័ត និងសាប៊ូកក់សក់ជាដើម។ ចំណុចលេចធ្លោមួយដែលគេមើលឃើញក្នុងចំណោមពួកគេទាំង៤ខាងលើ កញ្ញា ពូកែរាំជាងគេ។
អត្ថបទ៖ ឱក សុគន្ធកញ្ញា សុំលុយម៉ាក់មួយថ្ងៃ ៣ដុល្លារ
មាស សុខសោភា អតីតតារាចម្រៀងផលិតកម្មសាន់ដេៈ យោងតាមប្រជាប្រិយភាព តារាស្រីរូបនេះក៏នៅមិនឆ្ងាយពីការទាញយកទៅដាក់ក្នុងឈុតផ្សព្វផ្សាយពាណិជ្ជកម្មរបស់ក្រុមហ៊ុនធំៗដែរ ដែលមានដូចជាក្រុមហ៊ុន ភេសជ្ជៈ សំឡីអនាម័យជាដើម។ ចំណុចលេចធ្លោ របស់កញ្ញា គឺនាងមានទឹកដមសំឡេងល្អជាងគេក្នុងចំណោមអ្នកទាំង៤។
អត្ថបទ៖ មាស សុខសោភា ត្អូញបាត់ចំណូល
កញ្ញា សុខ ពិសី តារាចម្រៀងរបស់សាន់ដេរូបនេះ ត្រូវបានគេមើលឃើញថាមានសម្រស់ស្រស់ផូរផង់ណាស់នារយៈចុងក្រោយនេះ ទន្ទឹមនឹងមានពាក្យចចាមអារ៉ាមថា នាងបានទៅកែសម្ផស្ស បន្ទាប់ពីបានបាត់មុខមួយរយៈធំ។ ក៏ដូចគ្នាដែរ សម្រស់នេះ សុខ ពិសី ត្រូវបានគេចាត់ទុកថា នាងស៊ីដាច់គេហើយក្នុងចំណោមទាំង៤នាក់។
អត្ថបទ៖ សុខ ពិសី ភ្ញាក់ផ្អើលនឹងព័ត៌មានកក្រើកថ្មី
ចំណុចលេចធ្លោតែមួយគត់ របស់កញ្ញា សុគន្ធ និសា ដែលគេមើលឃើញគ្រប់គ្នានោះ គឺថាតារារូបនេះ មានអត្តចរិតទន់ភ្លន់ និងសុភាពរាបសារសមជានារីខ្មែរជាងគេ។ ដោយឡែកការងារផ្សព្វផ្សាយពាណិជ្ជកម្ម នាងក៏ស្ថិតក្នុងក្រសែភ្នែករបស់ក្រុមហ៊ុនធំៗដូចគ្នាដែរ ដែលកន្លងមកនាងចាប់បានឱកាសផ្សព្វផ្សាយឲ្យក្រុមហ៊ុនទូរស័ព្ទចល័ត និងផលិតផលថែរក្សាសម្រស់ជាដើម។
អត្ថបទ៖ សុគន្ធ និសា យក ពែកមី យោង?
យ៉ាងណាក៏ដោយ អ្វីដែលមានខាងលើនេះ ជាការឲ្យពិន្ទុក្រៅផ្លូវការប៉ុណ្ណោះ ចុះគ្នាយើងយល់យ៉ាងម៉េចវិញ ហើយប្រសិនបើតម្រូវឲ្យមានការជ្រើសនរណាម្នាក់ក្នុងចំណោមពួកគេ ធ្វើជាតារាលេចធ្លោ ឬក្នុងតំណែងអ្វីផ្សេង តើគួររើសមួយណា?
អីចឹងតោះ រើសទាំងអស់គ្នា…!!!
អត្ថបទ៖ ទារិកា
0 comments:
Post a Comment