រដូវបុណ្យភ្ជុំបិណ្ឌប្រពៃណីខ្មែរបានចូលមកដល់តាំងពីថ្ងៃម្សិលមិញ។ តាមទំនៀមបុណ្យនេះ ប្រជាពលរដ្ឋខ្មែរ រមែងធ្វើបាយសម្លយកទៅវេរប្រគេនព្រះសង្ឃឧទ្ទិសជូនបុព្វការីជនដែលចែកឋានទៅលោកខាងមុខ។ សារអប់រំមួយនៃពិធីបុណ្យនេះ គឺថា ក្នុងរយៈ បុណ្យភ្ជុំបិណ្ឌ១៥ថ្ងៃ(១៤ថ្ងៃកាន់បិណ្ឌ និង១ថ្ងៃចុងក្រោយជាថ្ងៃឆ្លង) ប្រសិនបើសាច់ញាតិដែលបានស្លាប់ទៅហើយភ្លាត់ធ្លាក់ខ្លួនជាប្រេតមករកបាយសម្លដែលកូនចៅធ្វើឧទ្ទិសជូនទៅមិនឃើញគ្រប់ ៧វត្ត នឹងដាក់បណ្តាសារដល់ កូនចៅទាំងនោះ ដែលមិនដឹងគុណ មិនរវល់នឹងការស្រេកឃ្លានរបស់ខ្លួន ឲ្យជួបតែភាពក្តៅក្រហាយក្នុងឆាកជីវិត ប្រកបកិច្ចការងារអ្វីមិនសមប្រកបឡើយ។
ដូច្នេះហើយ ប្រជាពលរដ្ឋយើងទូទាំងប្រទេស ម្នាក់ៗមី្នម្នានាំចង្ហាន់ទៅវេរប្រគេនព្រះសង្ឃនៅវត្តអារ៉ាម តាមកិច្ចបង្គាប់នេះ។ យ៉ាងណា សារអប់រំក៏មិនបង្គាប់ឲ្យមើលរំលងព្រះនៅផ្ទះ (ឪពុកម្តាយ)ដែរ។ ដូច្នេះមុននាំចង្ហាន់ទៅប្រគេនព្រះសង្ឃនៅវត្តអារ៉ាម ត្រូវបំពេញកិច្ចជាមួយលោកអ្នកមានគុណយើង ដែលជាព្រះក្នុងផ្ទះយើង ជាមុនសិនៈ
ថ្ងៃនេះបិណ្ឌទី២ ហើយគ្នាយើង តើនរណាខ្លះបានទៅវត្តហើយ…!!!
0 comments:
Post a Comment