អ្វីជាបណ្តាញសង្គម ហើយមួយណាល្បីល្បាញជាងគេ?
បច្ចុប្បន្ននេះ ប្រជាជនអង់គ្លេសប្រហែលពាក់កណ្តាល បានប្រើប្រាស់បណ្តាញទំនាក់ទំនងសង្គម Facebook។ ចំនួនអ្នកប្រើប្រាស់សកម្មរបស់ Facebook ទូទាំងពិភពលោកមានប្រហែល ៦០០លាននាក់ ដែលចំនួននេះសើ្មនឹង ៨ភាគរយ នៃចំនួនប្រជាជនសរុបរបស់ពិភពលោក។
ប្រសិនជាអ្នកដែលប្រើប្រាស់Facebook ទាំងចំនួន ៦០០លាននាក់នេះរស់នៅក្នុងប្រទេសតែមួយ វានឹងក្លាយជាប្រទេសស្ថិតក្នុងចំណាត់ថ្នាក់ទី៣ ដែលមានប្រជាជនច្រើនជាងគេនៅលើពិភពលោក។
ជាមួយនឹងភាពលេញធ្លោរ ជាសកលរបស់បណ្តាញទំនាក់ទំនងសង្គមដ៍ល្បីមួយនេះ វាមិនមានអ្វីគួរឪ្យភ្ញាក់ផ្អើលទាល់តែសោះថា ស្ថាបនិក Facebook លោក ម៉ាក់ ហ្ស័កគឺបឺច (Mark Zuckerberg)សព្វថ្ងៃនេះ មានទ្រព្យសម្បតិ្តប្រមាណ ១៣,៥ពាន់លានដុល្លា ដែលគាត់អាចរកបានតែក្នុងរយៈពេលតែ ២ ទៅបីឆ្នាំដ៏ខ្លីប៉ុណ្ណោះ។
លោក Mark Zuckerberg ដែលជាស្ថាបនិករបស់បណ្តាញសង្គម Facebook ដ៍មានប្រជាប្រិយភាព និងមានអ្នកប្រើប្រាស់ច្រើនជាងគេបង្អស់
លោក Zuckerberge គឺជាមនុស្សដែលមានទេពកោសល្យ ដោយចាប់ផ្តើមពីការសេរសេរកម្មវិធីកុំព្យូទ័រ ក្នុងកំឡុងពេលគាត់កំពុងនៅសិក្សា។ នៅឆ្នាំទី២ នៅសកលវិទ្យាល័យ ហាវើដ (Harvard University) ក្នុងឆ្នាំ ២០០៣ គាត់បានសរសេរកម្មវិធីមួយឈ្មោះថា "CourseMatch" ដែលកម្មវិធីនេះអ្នកប្រើប្រាស់ទាំងអស់ជ្រើសរើសថ្នាក់រៀនរបស់ពួកគេ បាន ទៅតាមជំរើសដែលពួកគេត្រូវការ។ គាត់ក៏បានបង្កើតកម្មវិធីមួយទៀតផងដែរ ឈ្មោះថា Facemash ដែលជាបណ្តាញមួយ ដែលអាចឪ្យសិស្សទាំងអស់ធ្វើការបោះឆ្នោត បង្ហាញពីភាពទាក់ទាញ ឬភាពស្រស់សង្ហាររបស់សិស្សដ៏ទៃ។
កម្មវិធី Facemash ត្រូវបានបង្កើតឡើងដើម្បីការសប្យាយ ប៉ុន្តែនៅពេលដែលមានសិស្សមួយចំនួនចាប់ផ្តើមត្អូញត្អែរពីកម្មវិធីនេះ លោក Zuckerberg ក៏ត្រូវបានគេបង្ខំឪ្យធ្វើការសុំទោសជាសាធារៈ។ ក្នុងពេលជាមួយគ្នានោះដែរ សិស្សមួយចំនួនបានសុំឪ្យសកលវិទ្យាល័យរបស់ពួកគេបង្កើតគេហទំព័រ ផ្ទៃក្នុងមួយដែលផ្ទុកព័តមានទាក់ទងលំអិត និងរូបថត ហើយពេលនោះហើយដែលលោក Zuckerberg បានមើលឃើញពីសក្តានុពលរបស់វា។ គាត់ក៏ដំណើរការគេហទំព័រមួយពីបន្ទប់អន្តេវាសិកដ្ឋាន នៅសកលវិទ្យាល័យរបស់គាត់ នៅថ្ងៃទី ៤ ខែកុម្ភៈ ឆ្នាំ ២០០៤ ដែលមានឈ្មោះថា Facebook (ការបង្កើត Facebook នេះក៏មានការជំរុញទឹកចិត្តពីមិត្តភកិ្តរបស់គាត់ផងដែរ)។
យូរណាស់មកហើយមុនពេល Facebook ត្រូវបានបង្កើតឡើង ក៏មានបណ្តាញសង្គមដ៏ជោគជ័យមួយរួចទៅហើយ។ បណ្តាញនោះឈ្មោះថា Whole Earth Lectronic Link, aka the Well ដែលវាត្រូវបានដាក់ឪ្យដំណើរការក្នុងឆ្នាំ ១៩៨៥ និងបានក្លាយជាបណ្តាញដ៏ល្បីដោយសារតែ វេទិការអ៊ីនធឺណេតរបស់វា។ បណ្តាញសង្គម និងគេហទំព័រជាច្រើនទៀតត្រូវបានបង្កើតឡើងនៅក្នុងឆ្នាំ ១៩៩០ ដូចជា Classmate.com គឺជាគេហទំព័រដែលអាចឪ្យអ្នកប្រើប្រាស់ទាំងអស់ស្វែករកមិត្តភក្តិ ចាស់របស់ពួកគេ ដែលមានចំណាប់អារម្មណ៍ស្រដៀងគ្នា បង្កើតប្រវតិ្តរូប និងអាចធ្វើការផ្ញើរសារដាក់គ្នាទៅវិញទៅមកបាន។ បណ្តាញទំនាក់ទំនងសង្គមឈ្មោះថា Friendster ត្រូវបានបង្កើតឡើងក្នុងឆ្នាំ ២០០២ ហើយជាបន្តបន្ទាប់មកទៀត បណ្តាញសង្គម ដូចជា LinkedIn, Myspace និង Bebo ជាដើមក៍ត្រូវបានបង្កើតឡើងផងដែរ។ នៅក្នុងឆ្នាំ ២០០៥ បណ្តាញទំនាក់ទំនងសង្គម Myspace បានទទួលការចូលមើលច្រើនជាង Google។
នៅឆ្នាំដដែលនោះផងដែរ បុគ្គលិកបីនាក់របស់ក្រុមហ៊ុន PayPal (គឺជាក្រុមហ៊ុនជំនួញពាណិជ្ចកម្មសកល ដែលទទួលការបង់លុយ និងផ្ទេរប្រាក់តាមបណ្តាញអ៊ឺនធឺណេត) ក៏បានបង្កើតគេហទំព័រចែករំលែកវីដេអូមួយ មានឈ្មោះថា Youtube។ បច្ចុប្បន្ននេះ ជារៀងរាល់នាទី មានវីដេអូយ៉ាងច្រើនត្រូវបានបង្ហោះចូលទៅក្នុង Youtube ក្នុងរយៈពេល២៤ម៉ោង ខណៈពេលដែល អ្នកប្រើប្រាស់ចំនួន ២០០លាននាក់នៃ បណ្តាញទំនាក់ទំនងសង្គម Twitter បានបង្ហោះសារចំនួន ៦៥លានក្នុងមួយថ្ងៃ។
Twitter ត្រូវបានបង្កើតឡើងក្នុងឆ្នាំ ២០០៦ ដែលដំបូងឡើងវាគឺបង្កើតឡើងសំរាប់ជាផលប្រយោជន៍ដល់បុគ្គលិករបស់ Odeo (គឺជាគេហទំព័រសំរាប់ស្វែងរកទីកន្លែង លំនៅស្ថាន និងទីដៅនានា ដែលអាចឪ្យប្រជាពលរដ្ឋធ្វើការចែករំលែករូបភាព ឬក៍ហ្វាលនានា)។
ដោយជីវិតប្រចាំថ្ងៃរបស់យើងដក់ជាប់ និងចូលចិត្តចំពោះ Facebook, LinkedIn, Youtube និង Twitter មានមនុស្សមួយចំនួនមានចំងល់ថា តើនឹងកម្មវិធីអ្វីដែលប្លែក និងពិសេសនឹងត្រូវបានបង្កើតឡើងនៅពេលក្រោយទៀត?៕
----------
ដកស្រង់ពី គេហទំព័រ ស៊ីអីអិន
ប្រភពពី៖ www.neavea.com
0 comments:
Post a Comment