ឧទ្ទាម១៥០នាក់ ទាហាន១៦នាក់ស្លាប់ដោយការប្រយុទ្ធគ្នានៅនីហ្សេរីយ៉ា
ឡាហ្គោ៖ ក្រុមសកម្មប្រយុទ្ធនៃពួកឧទ្ទាមប្រមាន១៥០នាក់ និងកងទាហាន១៦នាក់បានស្លាប់ បាត់ខ្លួន៩នាក់ កាលពីថ្ងៃពុធ នៅក្នុងការប្រយុទ្ធគ្នានៅក្រុងបូកូហារ៉ាម ប្រទេសនីហ្សេរីយ៉ា។ នេះបើតាមគេហទំព័របរទេសផ្សាយកាលពីថ្ងៃព្រហស្បតិ៍ម្សិលមិញ។
ការប្រយុទ្ធគ្នានៅលើជំរំបូកូហារ៉ាម នៅក្នុងប៉ែកឦសានប្រទេសនីហ្សេរីយ៉ាបានធ្វើឲ្យ ពួកសកម្មប្រយុទ្ធ ១៥០នាក់ និងទាហាន១៦នាក់ស្លាប់, នេះបើតាមមន្ត្រីកងទ័ពបាននិយាយនៅនៅថ្ងៃពុធ ប៉ុន្តែបើតាម របាយការណ៍ផ្សេងទៀតថាចំនួននៃការកងទ័ពរាប់សិបនាក់ត្រូវបានសម្លាប់។ កងទ័ពបានបើកការវាយលុកដ៏ធំមួយប្រឆាំងនឹងពួកបះបោរនៅថ្ងៃទី 12 ខែកញ្ញាមក បន្ទាប់ពីប្រព័ន្ធផ្សព្វផ្សាយក្នុងស្រុកបានរាយការណ៍ថា នៅបូកូហារ៉ាមពួកសកម្មប្រយុទ្ធបានលបពួនស្ទាក់វាយប្រហារលើ ក្រុមទាហានមួយក្រុមនៅក្នុងតំបន់ដដែលនោះដោយបានសម្លាប់មនុស្ស 40 នាក់ និងបាត់ខ្លួនរាប់សិបនាក់។
"វាគឺនៅជំរំកុបកម្មមួយមានសកម្មប្រយុទ្ធជាច្រើនជាមួយនឹងអាវុធធុនធ្ងន់នៅក្នុង (ភាគឦសាន) បូកូហារ៉ាម," លោក Ibrahim Attahiru អ្នកនាំពាក្យកងទ័ព បានមានប្រសាសន៍ថា លោកបានបន្ថែមកម្លាំងទៅជំរំនោះគឺនៅក្នុងព្រៃកាស៊ីយ៉ា ។ "កងទ័ពបានវាយឆ្មក់ជំរំនៅថ្ងៃទី១២ កញ្ញា។ ភេរវករបូកូហារ៉ាម 150 នាក់ត្រូវបានសម្លាប់ខណៈពេលដែលពួកយោធាបានបាត់បង់ជីវិត16នាក់ ប្រាំបួននាក់បាត់ខ្លួន" លោកបានប្រាប់ AFP ។
ព្រៃដែលជាកន្លែងវាយឆ្មក់នេះស្ថិតនៅចម្ងាយ៧០គីឡូម៉ែត្រនាទិសឦសានទីក្រុងម៉ៃឌូហ្គូរី រដ្ឋប័រណូជាទី ក្រុងដែលបូកូអារ៉ាមបានបង្កើតឡើងកាលពីជាងមួយទសវត្សន៍មុននេះ ។ មានការនិយាយស្មានថា ក្រុមបះបោរបូកូហារ៉ាមបានពង្រឹងវត្តមានរបស់ខ្លួននៅតំបន់ឆ្ងាយ ដាច់ស្រយាលនេះនៅក្នុងប៉ុន្មានខែថ្មីៗនេះ។ តំបន់ជុំវិញកាស៊ីយ៉ា បានទទួលកេរ្តិ៍ឈ្មោះថាជាទីសម្បូរអំពើប្លន់ប្រដាប់អាវុធមួយ៕
0 comments:
Post a Comment