រោងកុនច្រឡំចាក់រឿងស្រើបស្រាលឲ្យក្មេងៗមើល
ការច្រឡំចាក់រឿងស្រើបស្រាលក្នុងពេលកំពុងផ្សាយព័ត៌មាន ឬក្នុងរោងកុនបានកើតមានច្រើនករណីមកហើយជាពិសេសនៅប្រទេសគេតែម្ដង។ ដោយឡែក រោងកុនមួយនៅរដ្ឋ Florida ឯណោះវិញក៏មានការចាក់ភាពយន្តច្រឡំបែបនេះដែរ។
តាមសម្ដីរបស់ឪពុកម្ដាយដែលបាននាំកូនៗរបស់ពួកគេដើម្បីទៅមើលខ្សែភាពយន្តគំនូរជីវចលមួយមានចំណងជើងថា Frozen តែដោយសារតែខាងរោងកុនមានបញ្ហាបច្ចេកទេស ទើបពួកគាត់ត្រូវរង់ចាំទម្រាំគេអាចដោះស្រាយបាន។ លុះរង់ចាំមួយសន្ទុះ រោងកុនក៏បញ្ចាំងរឿង តែមិនមែនជារឿងគំនូរជីវចលបែរជាចេញរឿងបែបស្រើបស្រាលទៅវិញ។
ស្ត្រីចំណាស់ម្នាក់ដែលបាននាំចៅទៅមើលកុននោះបានឲ្យដឹងថា គាត់មានការហួសចិត្តជាខ្លាំងដែលខាងរោងកុនមានការធ្វេសប្រហែសបែបនេះ។ លោកស្រីក៏បានបន្ថែមថា វាគួរតែមានការត្រួតពិនិត្យឲ្យបានម៉ត់ចត់មុននឹងចាក់ផ្សាយរឿង ព្រោះធ្វើឲ្យប៉ះពាល់ដល់ក្មេងៗដែលមិនគួរមើលរឿងប្រភេទនេះ។ ដើម្បីជាការសុំទោសចំពោះកំហុសមួយនេះ ខាងរោងកុនបានផ្ដល់សំបុត្រចូលទស្សនារឿងផ្សេងទៀតដោយឥតគិតថ្លៃដល់អ្នកទស្សនាទាំងនោះ។
0 comments:
Post a Comment