អ្នកធ្លាប់ដឹងរួចហើយថា ការឈឺចាប់ពេលមានផ្ទៃពោះអាចធ្វើអោយអ្នកដេកមិនលក់។ ប៉ុន្តែនៅមានរឿងជាច្រើនទៀតដែលទាក់ទងនឹងសុខភាព ហើយវាប្រហែលជាជាមូលហេតុរំខានដល់ដំណេករបស់អ្នកយ៉ាងស្ងាត់ៗទៀតផង។ ខាងក្រោមនេះគឺជារបៀបក្នុងការដោះស្រាយបញ្ហាអស់ទាំងនេះដែលគេនិយមធ្វើអស់រយៈពេលយូរមកហើយ។
អាយុខ្ទង់ ២០និង ៣០ឆ្នាំ៖ ពិនិត្យសុខភាពក្រពេញទីរ៉ូអ៊ីត
ក្នុងនាមជាម្តាយថ្មីថ្មោងច្រើនតែមានបញ្ហាក្តៅក្រហាយឬដេកមិនលក់។ ប៉ុន្តែការពិតនៅពីក្រោយរឿងនេះប្រហែលជាទាក់ទងនឹងការរលាកក្រពេញទីរ៉ូអ៊ីតក្រោយពីសម្រាលកូនរួច ដែលវាមានចំនួនពី ៥ ទៅ១០ភាគរយលើស្ត្រីក្រោយពីសម្រាលកូនរួច។
ជាធម្មតា វាចាប់ផ្តើមកើតមានជាមួយនឹងចំនួនអ័រម៉ូនទីរ៉ូអ៊ីតចេញច្រើន ដែលជាហេតុធ្វើអោយអ្នកដេកមិនលក់។ រយៈពេលពីរខែក្រោយ បញ្ហានេះនឹងប្តូរទៅជាអ័រម៉ូនទីរ៉ូអ៊ីតមានចំនួនតិចទៅវិញ ពេលនោះនឹងធ្វើអោយអ្នកមានអារម្មណ៍ថាអស់កម្លាំង។ បើសិនជាអ្នកងងុយដេកខ្លាំង ឬអស់កម្លាំងខ្លាំងក្រោយសម្រាលកូនរួច ចូរពិគ្រោះជាមួយគ្រូពេទ្យដើម្បីធ្វើការព្យាបាល។
អាយុខ្ទង់ ២០ និង ៣០ឆ្នាំ៖ និយាយថាលាហើយការកើតទុក្ខ
ការដែលមានអារម្មណ៍មិនសប្បាយចិត្តអាចធ្វើអោយអ្នកពិបាកក្នុងការដេកកាន់តែខ្លាំងថែមទៀត។ ការបាក់ទឹកចិត្តមិនត្រឹមតែអាចធ្វើអោយដេកមិនលក់នោះទេ ប៉ុន្តែថ្នាំព្យាបាលបញ្ហាបាក់ទឹកចិត្តមួយចំនួក៏ប្រហែលជាមានផលវិបាកទាក់ទងនឹងការដេកដែរ។
អាការៈដេកមិនលក់រួមទាំងបាក់ទឹកចិត្តទៀតនោះគួរតែមានការព្យាបាលបែបពីររបៀបចូលគ្នា។
អាយុខ្ទង់ ៤០៖ សម្គាល់អោយដឹងថាពេលណាអ្នកត្រូវទៅណាពេលយប់
បើសិនជាអ្នកភ្ញាក់ដោយសារតែនោមយប់ញឹកញាប់ មិនត្រូវយល់ថាវាគឺជាសញ្ញានៃការចាស់ទៅតាមអាយុទេ ប៉ុន្តែវាអាចការបង្ករោគនៅផ្លូវទឹកម៉ូតច្រើនជាង។ ការថយចុះនៃចំនួនអ័រម៉ូនអេសស្ត្រូជែននៅវ័យ ៤០ឆ្នាំ នឹងងាយធ្វើអោយភ្នាសកម្រាលរបស់ទ្វារមាស និងប្លោកនោមស្តើង ដែលវាជាហេតុធ្វើអោយស្ត្រីត្រៀមរាំងរដូវងាយនឹងទទួលរងការបង្ករោគ។
អាយុខ្ទង់ ៤០ឆ្នាំ៖ ហាត់ប្រាណអោយបានច្រើន
ការដេកបានស្កប់ស្កលនឹងមានការថយចុះនៅពេលអ្នកឈានដល់អាយុ ៤០ឆ្នាំក្រាស ព្រោះវាធ្វើអោយអ្នកឧស្សាហ៍ភ្ញាក់ពីដេកនៅពេលយប់ជាញឹកញាប់។ ការធ្វើលំហាត់ប្រាណប្រហែលជាអាចជួយដល់រឿងនេះបាន។ នៅពេលអ្នកផ្តល់ឱកាសដល់រាងកាយដើម្បីជួសជុលដល់អ្វីដែលខូចខាត នោះជាពេលវេលាដែលអ្នកគួរតែអរគុណដល់ការបង្កើនការហាត់ប្រាណទៅវិញទេ។
អាយុខ្ទង់ ៥០ឆ្នាំឡើងទៅ៖ ទាក់ទងនឹងការប្រើថ្នាំ
ថ្នាំតាមវេជ្ជបញ្ជាដែលអ្នកប្រើប្រហែលជាថ្នាំសម្រាប់បញ្ចុះសម្ពាធឈាម និងកូឡេស្តេរ៉ុល ដូច្នេះវាអាចនឹងប៉ះពាល់ដល់ការដេកមិនខាន។ ថ្នាំបញ្ចុះទឹកនោម (ដែលប្រើសម្រាប់ព្យាបាលជំងឺលើសសម្ពាធឈាម) អាចរំខានដល់ពេលវេលាដេកដើម្បីអោយអ្នកងើបទៅបន្ទប់ទឹកបាន៕
0 comments:
Post a Comment