ខ្មែរយើងតែងពោលថា”ចេះអ្វីចេះឲ្យច្បាស់” ឬ “ចេះស្ទើរធ្វើល្ងង់ល្អជាង” ដើម្បីទូន្មានមនុស្សចៀសវាងពីភាពភ្លាំងភ្លាត់លើកិច្ចការអ្វីមួយ។ ប្រាសចាកពីពំនោលរបស់ខ្មែរ ក្រុមសម្ដែងសៀកជនជាតិបរទេសមួយក្រុម បានបាត់បង់សមាជិកម្នាក់ ដោយសារតែការកំហុសបច្ចេកទេស។
ដំបូងឡើយក្រុមសម្ដែងសៀកជនជាតិ បានចេញមុខសម្ដែងនៅលើវេទិកាក្នុងកម្មវិធីមួយ ដែលជាការសម្ដែងកាត់ដងខ្លួនដោយប្រើរណាយន្ត។ ការសម្ដែងបែបនេះ តាមពិតទៅ មិនមែនដោយសារពួកគេចេះវេទមន្តអ្វីនោះទេ គឺពួកគេពឹងទៅលើតែបច្ចេកទេសឧបករណ៍ប៉ុណ្ណោះ។
នៅក្នុងការសម្ដែងពុះកាត់ដងខ្លួនដោយប្រើរណាយន្តនេះ គេឃើញស្ត្រីជាសមាជិកម្នាក់ បានចូលទៅក្នុងប្រអប់មួយដែលគេរៀបទុកស្រេច។ បន្ទាប់ពីនោះមក បុរសដែលជាតួអង្គអ្នកកាត់ដងខ្លួននារី ក៏ចាប់ផ្តើមដំណើរកាត់មួយកំណាត់ជើងទៅមុន។ កាត់បាត់ផ្នែកខាងជើង គេឃើញនារីក្នុងប្រអប់នៅមានចលនាដដែល។
បន្តមកទៀត ការសម្ដែងបានឈានដល់កាត់ផ្នែកខាងលើត្រង់ក។ ប៉ុន្តែប្រការគួរកត់សម្គាល់មួយ មុនពេលចាប់ផ្តើមកាត់ក គេឃើញនារីក្នុងប្រអប់លើកដៃទះតុយ៉ាងខ្លាំង ទំនងជាសញ្ញាឲ្យឈប់ ព្រោះខុសបច្ចេកទេសហើយ ប៉ុន្តែគ្មាននរណាចាប់អារម្មណ៍ស្មានជាការសម្ដែង។ ទីបំផុតអ្វីត្រូវហួស នារីជាសមាជិកម្នាក់ បានបាត់បង់ជីវិតគួរឲ្យអាណោចអាធម៌ ក្រោមស្រែកយំរបស់មិត្តរួមក្រុម។
សូមទស្សនាវីដេអូខាងក្រោម
អត្ថបទ៖ ទារិកា
0 comments:
Post a Comment