Justin Bieber ត្រូវ Fan គប់មួយដបទឹកសុទ្ធ នៅលើឆាកតន្ត្រី (មានវីដេអូ)
មួយរយៈចុងក្រោយនេះ តារាចំរៀងសញ្ជាតិកាណាដា Justin Bieber បានបង្កបញ្ហា និងមាន រឿងអាស្រូវជាច្រើន ដែលធ្វើ អោយប្រជាប្រិយភាពរបស់គេហាក់ធ្លាក់ចុះ។ ជាក់ស្តែងកាល ពីប៉ុន្មានថ្ងៃមុខនេះ តារាចំរៀងចង្វាក់ Pop វ័យ ១៩ឆ្នាំរូបនេះបាន ត្រូវ Fan របស់ខ្លួនគប់មួយ ដបទឹកសុទ្ធប៊ិះចំក្បាល ធ្វើអោយ របូតមីក្រូហ្វូពីដៃ ខណៈពេលដែល Justin កំពុងប្រគុំតន្ត្រី ទេសចរណ៍របស់ខ្លួននៅប្រទេសប្រេស៊ីល។ ក្រោយពីត្រូវមួយ ដបទឹកសុទ្ធហើយ Justin បាន សំលឹងមើលទស្សនិកជនទាំង ទឹកមុខខឹងសម្បា រួចដើរចេញពីឆាកដោយមិនបាននិយាយមួយ មាត់។ មុននេះ តារាចំរៀងរូបនេះក៏បានធ្វើអោយ Fan របស់ខ្លួន ខឹងសម្បាម្តងជាពីរដងមកហើយផងដែរ ដោយបានទាត់ ទង់ជាតិប្រេស៊ីល និងមកយឺតជិត១ម៉ោងកន្លះក្នុងកម្មវិធីមួយ ហើយមួយទៀតនោះ Justin បានមកយឺតដល់ទៅជាង៣ម៉ោងសំរាប់កម្មវិធីជួបស្វាគមន៍ Fan។ តោះឥឡូវយើងមកមើល វីដេអូ Fan គប់ Justin មួយដបទឹកសុទ្ធ។
ប្រភពពី៖ www.khmer-note.com
0 comments:
Post a Comment