ស្របពេលដែល iPhone 5S ទទួលបានការពេញនិយមប្រើយ៉ាងច្រើនកុះករនៅតាមបណ្ដាប្រទេសនានាលើពិភពលោកនោះ ស្រាប់តែថ្នាក់ដឹកនាំកំពូលមួយរូបរបស់ក្រុមហ៊ុន Google ដែលជាម្ចាស់ Android OS បានសរសេរលើកស្ទួយទូរសព្ទដែលប្រើ mobile OS របស់ខ្លួនថា មិត្តភ័ក្ដិរបស់លោកដែលប្រើ iPhone នឹងប្ដូរទៅប្រើ Android Smartphone វិញ។
លោក Eric Schmidt មាននាទីជាExecutive Chairman
ទាំងនេះពុំមានអ្វីចម្លែកនោះទេ ដែលលោក Eric Schmidt ប្រធានផ្នែកប្រតិបត្តិរបស់ក្រុមហ៊ុនស្វែងរុករកដ៏ធំ Google លើកជើង Android OS របស់ខ្លួននោះ។ លោកបានសរសេរបង្ហោះជាសាធារណនៅលើបណ្ដាញសង្គម Google+ ដោយពាក្យសំដីផ្ទាល់របស់លោកថា៖ “មិត្តភ័ក្ដិខ្ញុំជាច្រើនដែលប្រើ iPhone កំពុងប្ដូរមកប្រើ Android វិញហើយ”។ “ជាកំពូល Smartphone របស់ក្រុមហ៊ុន Samsung (Galaxy S4) របស់ Motorola (Droid Ultra) និង LG Nexus 5” ដែលមានអេក្រង់ល្អជាង iPhone លឿនជាង និង interface ងាយស្រួលប្រើ”។
ស្របគ្នានោះដែរ លោក Eric បានបង្ហាញពីរបៀបចុះឈ្មោះគណនី Google ដល់អតិថិជនថ្មី សម្រាប់ប្រើនៅលើ Android device ដើម្បីអាចទាញយកកម្មវិធី នាំយក contact ទុក sync តន្ត្រីទុកជាដើម។ នៅចុងបញ្ចប់នៃ Post អ្នកដែលបានដើរចេញពី Apple ឋានៈជាក្រុមប្រឹក្សានាយកតាំងពីឆ្នាំ ២០០៩ និងជាអ្នកផ្ដល់គំនិតលើ web browser នោះបានបញ្ចេញគំនិតរបស់ខ្លួនថា៖ “ច្បាស់ណាស់ ប្រើកម្មវិធី Chrome គឺល្អជាង និងលឿនជាងកម្មវិធី Safari របស់ Apple ហើយមិនគិតថ្លៃទៀត”៕
0 comments:
Post a Comment