បញ្ជូនខ្លួនបុរសជាងជួសជុលម៉ូតូ ទៅតុលាការពីបទរំលោភក្មេងស្រីអាយុ២ឆ្នាំ
ខេត្តក្រចេះ ៖ ប៉ូលិសព្រហ្មទណ្ឌកម្រិតធ្ងន់ខេត្ត បានបញ្ជូនខ្លួនបុរសជាងជួសជុល ម៉ូតូម្នាក់ទៅកាន់សាលាដំបូងខេត្ត កាលពីព្រឹកថ្ងៃទី៣ វិច្ឆិកា ២០១៣ ពីបទរំលោភសេពសន្ថវៈ លើក្មេងស្រីអាយុ២ឆ្នាំ បានសម្រេច តែមិនស៊ីជម្រៅ។
លោកអនុសេនីយ៍ទោ ឈិន សំបូរ អធិការរងព្រហ្មទណ្ឌស្រុកសំបូរបានឱ្យដឹងថា ជនសង្ស័យឈ្មោះហោ បញ្ញា អាយុ២១ឆ្នាំ ជាជាងជួសជុលម៉ូតូ រស់នៅចំណុចអូរកណ្តៀរ ភូមិអូរព្រះ ឃុំអូរគ្រៀង ស្រុកសំបូរ ។
គួររំលឹកផងដែរថា ក្មេងស្រីអាយុ២ឆ្នាំម្នាក់ ត្រូវជនអគតិចាប់រំលោភយ៉ាងឃោរឃៅ ហើយត្រូវបានម្តាយ បញ្ជូនទៅសង្គ្រោះនៅមន្ទីរពេទ្យខេត្ត កាលពីវេលាម៉ោង៣រសៀល ថ្ងៃទី៣០ តុលា ២០១៣ ស្ថិតនៅភូមិអូរកណ្តៀង ឃុំអូរគ្រៀង ស្រុកសៀមបូក ខេត្តក្រចេះ ដោយសារតែប្រដាប់ភេទរបស់នាងឡើងហើម និងចេញឈាមខ្លាំង រាល់២ម៉ោងម្តង ។
តាមប្រភពពីស្ត្រីជា ម្តាយបានឱ្យដឹងថា នៅមុនពេលកើតហេតុ ជនសង្ស័យបានមកបីកូនស្រីគាត់ លេងដូចសពមួយដង លុះបានប្រហែលជាងមួយម៉ោង ទើបជននោះយកកូនស្រីគាត់មកឱ្យវិញ ។ ខណៈនោះ ក៏ស្រាប់តែកូនស្រីគាត់យំ ហើយប្រទះឃើញប្រដាប់ភេទហើមខ្លាំង និងហូរឈាមថែមទៀត គាត់ស្មានថាកូនស្រីគាត់មុតនឹងអ្វីមួយ ភ្លាមនោះក៏បញ្ជូនមកមន្ទីរពេទ្យខេត្ត។ បន្ទាប់ពីគ្រូពេទ្យពិនិត្យហើយទើបដឹងថា កូនស្រីគាត់ត្រូវបានគេរំលោភ ។
0 comments:
Post a Comment