រថយន្តពុយហ្ស៊ូធ្លាក់ជង្ហុក បួងចង្កូតក្រឡាប់មួយ ចំហៀងលើផ្លូវជាតិលេខ១ របួសធ្ងន់ស្រាល ២នាក់
រាជធានីភ្នំពេញ ៖ បុរស ២នាក់ បានរងរបួសធ្ងន់ស្រាល ខណៈដែលរថយន្តពុយហ្ស៊ូ ១គ្រឿង ពណ៌សលាយក្រហម ពាក់ស្លាកលេខ ភ្នំពេញ 3A-3160 ជិះដោយបុរស ២នាក់ខាងលើ ធ្វើដំណើរយ៉ាងលឿនតាម បណ្តោយផ្លូវជាតិលេខ១ ក្នុងទិសដៅពីកើតទៅលិច (កៀនស្វាយ ឆ្ពោះមកក្រុងភ្នំពេញ) លុះមកដល់ជិតវត្តនិរោធន៍ រថយន្តក៏បានធ្លាក់ជង្ហុក ហើយព្យាយាមបួងចង្កូត បណ្តាលឲ្យក្រឡាប់មួយចំហៀងតែម្តង។
ហេតុការណ៍នេះ បានកើតឡើងកាលពីវេលាម៉ោង ១១ និង ៤០នាទី យប់ថ្ងៃទី២៧ វិច្ឆិកា ២០១៣ ស្ថិតក្នុងសង្កាត់និរោធន៍ ខណ្ឌមានជ័យ។ អ្នករងរបួសមិនត្រូវបានស្គាល់អត្តសញ្ញាណទេ ត្រូវបញ្ជូនទៅសង្រ្គោះនៅមន្ទីរពេទ្យ ចំណែករថយន្តសមត្ថកិច្ច ជំនាញបានធ្វើការវាស់វែង និងនាំយកទៅរក្សាទុកនៅ ការិយាល័យចរាចរណ៍ជើងគោករាជធានីភ្នំពេញ៕
0 comments:
Post a Comment