ប្រពន្ធលែងរវីរវល់ ដោះអាវឡើងបង្គោលដែកស្រែកយំសុំជួប (វីដេអូ)
បុរសជនជាតិនេប៉ាល់ម្នាក់បានឡើងលើបង្គោលដែកមួយដើម ក្រោយប្រពន្ធនឹងកូនលែងរវីរវល់នឹងគាត់។ ចំពោះការឡើងនេះ គេមិនបានបញ្ជាក់ទេថាគាត់ចង់ធ្វើអ្វី។
បុរសខូចចិត្តរូបនេះឈ្មោះ Khem អាយុ៣៨ឆ្នាំជាជនជាតិនេប៉ាល់ បានឡើងលើបង្គោលដែកមួយដើមក្នុងប្រទេសចិន។ គាត់មានប្រពន្ធជាជនជាតិចិន តែក្រោយមានទំនាស់នឹងគ្នា ប្រពន្ធក៏នាំកូនចាកចេញពីរូបគាត់។
Khem បានឱ្យដឹងថា សព្វថ្ងៃគាត់រស់នៅជាមួយប្រពន្ធជនជាតិចិនក្នុងតំបន់ Kowloon ជាយក្រុងហុងកុង ហើយបង្កើតបានកូនស្រីម្នាក់។ ក្រោយឈ្លោះគ្នា ប្រពន្ធក៏ចាកចេញ។ ហេតុនេះហើយគាត់ភ័យថា អាជ្ញាធរអាចនឹងដេញគាត់ចេញ ព្រោះគាត់មិនមែនជាពលរដ្ឋប្រទេសនេះ និងខ្លាចលែងបានជួបមុខប្រពន្ធនិងកូនទៀត។
ប៉ូលិសម្នាក់និងអ្នកពន្លត់អគ្គីភ័យ២នាក់បានមកដល់កន្លែងកើតហេតុភ្លាមៗដែរ បន្ទាប់ពីបានដំណឹងខាងលើ។ ក្រុមសង្រ្គោះបានប្រើពេលអស់ ៤៥នាទី ទើបបញ្ចុះបញ្ចូលគាត់ឱ្យចុះបាន។ Khem បានស្រែកយំនិងអង្វរសុំជួបកូនស្រីគាត់។ ក្រោយមកគាត់ត្រូវគេបញ្ជូនទៅមន្ទីរពេទ្យ ដើម្បីស៊ើបអង្កេត៕
ដោយ nob70
ប្រភព៖ yourjewishnews
0 comments:
Post a Comment