យោងតាមសេចក្ដីជូនដំណឹងពីក្រសួងធនធានទឹក និងឧតុនិយមបានឲ្យដឹងថា កម្ពុជានឹងទទួលរងឥទ្ធិពលសម្ពាធថ្មីមួយទៀត ដែលធ្វើដំណើរកាត់លើ ផ្ទៃសមុទ្រភាគខាងត្បូងជ្រោយឥណ្ឌូចិន ចាប់ពីថ្ងៃទី៨ ដល់ថ្ងៃទី៩ ខែវិច្ឆិកានេះ។
ឥទ្ធិពលនេះ នឹងបង្កឲ្យមានភ្លៀងធ្លាក់ពីមធ្យមទៅច្រើននៅតាមបណ្ដាខេត្ត ក្រុងទាំងអស់នៅទូទាំងប្រទេសដែលក្នុងនោះរួមមាន រាជធានីភ្នំពេញ ខេត្តពោធិ៍សាត់ បាត់ដំបង កំពង់ស្ពឺ កណ្ដាល ស្វាយរៀង ព្រៃវែង តាកែវ កំពត កែប និងខេត្តព្រះសីហនុ។ រលកសមុទ្រ អាចមានខ្យល់ខ្លាំងមានកម្ពស់ចាប់ពី ១ម៉ែត្រទៅ ២ម៉ែត្រ។
សូមមើលសេចក្តីជូនដំណឹងរបស់ក្រសួងធនធានទឹកខាងក្រោមនេះ៖
ដោយឡែក ព្យុះសង្ឃរាដ៏សាហាវថ្មីមួយទៀត នឹងបោកបក់មកលើដែនដីហ្វីលីពីននៅព្រឹកថ្ងៃសុក្រស្អែកនេះ ដែលគេរំពឹងថា នឹងបង្កគ្រោះ មហន្តរាយយ៉ាងធ្ងន់ធ្ងរដល់ទ្រព្យសម្បត្តិនិងអាយុជីវិតប្រជាពលរដ្ឋរបស់ខ្លួននៅទូទាំងប្រទេស។ នេះបើយោងតាមការឲ្យដឹងពីអាជ្ញាធរឧតុនិយមជាតិរបស់ហ្វីលីពីនប្រកាសឲ្យដឹងកាលពីម្សិលមិញ។
ដោយមានល្បឿន ២៨១គីឡូម៉ែត្រក្នុងមួយម៉ោង ព្យុះទីហ្វុង Haiyan ត្រូវគេរំពឹងថា នឹងធ្វើឲ្យមានភ្លៀងធ្លាក់ជាគំហុកបង្កជាទឹកជំនន់ធ្ងន់ធ្ងរ បាក់ដី និងគំរាមកំហែងដល់អាយុជីវិតប្រជាពលរដ្ឋ ព្រមទាំងអាចបំផ្លិចបំផ្លាញទ្រព្យសម្បត្តិយ៉ាងច្រើនមហាសាលទៀតផង។
សូមចុចអាន៖ ស្គាល់ឈ្មោះរូបិយប័ណ្ណរបស់ប្រទេសអាស៊ានទាំង១០ហើយឬនៅ?
ផ្អែកលើការអះអាងរបស់ទីភ្នាក់ងារ ឧតុនិយមជប៉ុនវិញ បានបញ្ជាក់ថា ព្យុះសង្ឃរា Haiyan ជាប្រភេទព្យុះសង្ឃរា ក៏សាហាវបំផុតក្នុងចំណោមព្យុះសង្ឃរាផ្សេងៗទៀតប្រចាំឆ្នាំ២០១៣នេះ។ ក៏ប៉ុន្តែ ព្យុះនេះនឹងអាចសហាវជាងនេះ រហូតជាប់កំណត់ត្រាជាប្រវត្តិសាស្ត្រក្នុងចំណោមព្យុះសាហាវបំផុតក្នុងលោក ប្រសិនបើវាស្ថិតនៅដែនមហាសមុទ្រអាត្លង់ទិច។
ប្រជាពលរដ្ឋ ១២លាននាក់ដែលកំពុងរស់នៅទីក្រុងម៉ានីលគឺជាមុខព្រួញនៃព្យុះនេះ ខណៈដែលមនុស្ស១០លាននាក់ផ្សេងទៀតដែលរស់នៅភាគកណ្ដាលប្រទេសត្រូវគេរំពឹងថា នឹងទទួលរងការគំរាមកំហែងយ៉ាងធ្ងន់ធ្ងរផងដែរ។
ប្រជាជនជម្លៀសចេញពីទឹកជំនន់នៅហ្វីលីពីនបង្កឡើងដោយខ្យល់ព្យុះនៅពេលកន្លងមក
សូមចុចអាន៖ ទឹកជំនន់នៅហ្វីលីពីនកើនឡើងខ្ពស់ហួសចំណុចប្រកាសអាសន្ន
មកទល់នឹងពេលនេះ រដ្ឋាភិបាលហ្វីលីពីនបានប្រកាសអាសន្នរួចហើយដល់ប្រជាពលរដ្ឋរបស់ខ្លួននៅទូទាំងប្រទេសឲ្យមានការប្រុងប្រយ័ត្នខ្ពស់ ទន្ទឹមនឹងការត្រៀមបញ្ជូនអ្នកជួយសង្គ្រោះនៅពេលព្យុះនេះមកដល់នៅពេលខាងមុខ៕
0 comments:
Post a Comment