ចិន​ទិញ​ជ្រូក​ម្នាក់​ត្រូវ​ក្រុម​ចោរ​វាយ​ប្លន់​យក​លុយ​អស់​ ១​លាន ​៤០​ម៉ឺន​រៀល​

ខេត្តឧត្តរមានជ័យ ៖ បុរសម្នាក់មុខរបរជាចិនដើររកទិញ និងកាប់ជ្រូកលក់នៅផ្សារ រង្វង់មូលអន្លង់វែង ត្រូវបានក្រុមចោរទូរស័ព្ទមកជួបឲ្យទៅមើលជ្រូក ដូចហៅទៅប្លន់វាយស្ទើរស្លាប់ស្ទើររស់ ហើយយកលុយបានចំនួន ១លាន ៤០ម៉ឺនរៀល និងទូរស័ព្ទ ១គ្រឿង ម៉ាកណូគា ដែលហេតុការណ៍នេះ បានកើតឡើងកាលពីវេលាម៉ោង ១២ថ្ងៃត្រង់ ថ្ងៃទី២៦ វិច្ឆិកា ២០១៣ នៅចំណុចភូមិច្រោក ឃុំផ្អាវ ស្រុកត្រពាំងប្រាសាទ។ បន្ទាប់ពីធ្វើសកម្មភាពរួច ក្រុមចោរទាំងនោះ បានចាកចេញទៅបាត់ដោយសុវត្ថិភាព៕