ការប្រកួត បវរកញ្ញាចក្រវាឡឆ្នាំ២០១៣ ចាប់ផ្តើមពីថ្ងៃទី ៥-៩ ខែវិច្ឆិកា នៅប្រទេសរុស្ស៊ី
ប្រទេសរុស្ស៊ី ៖ តាមការគ្រោងទុក កម្មវិធីបវរកញ្ញា ចក្រវាឡឆ្នាំ ២០១៣ នឹងចាប់ផ្តើម ធ្វើការប្រកួតជ្រើសរើស យកនារីតែម្នាក់គត់ ដែលមានចំណេះដឹង ខ្ពង់ខ្ពស់ និងសម្រស់ស្អាតដាច់គេ នៅខែវិច្ឆិកា ខាងមុខនេះ នៅទីក្រុងម៉ូស្គូប្រទេសរុស្ស៊ី ចាប់ពីថ្ងៃទី ៥ រហូតដល់ថ្ងៃទី ៩ ខែវិច្ឆិកា ឆ្នាំ២០១៣។
កម្មវិធីបវរកញ្ញា ចក្រវាឡឆ្នាំ ២០១៣ មានបេក្ខនារីប្រមាណ ៩០ នាក់ មកពីបណ្តាប្រទេសផ្សេងៗ ចូលរួមប្រកួតប្រជែង។ ក្នុងចំណោមនោះ ក៏មានបេក្ខនារី មកពីប្រទេស ជាសមាជិកអាស៊ានផងដែរ ដូចជា ហ្វីលីពីន ថៃ ម៉ាឡេស៊ី ឥណ្ឌូនេស៊ី និងសិង្ហបុរី ជាដើម តែសម្រាប់ប្រទេសកម្ពុជាវិញ មិនមានបេក្ខនារី ចូលរួមប្រកួត ប្រជែងនោះទេ។ កម្មវិធីបវរកញ្ញាចក្រវាឡ ត្រូវបានប្រារព្វធ្វើឡើង ជារៀងរាល់ឆ្នាំ ចាប់ពីឆ្នាំ១៩៥២ មកម្ល៉េះ។
កម្មវិធីបវរកញ្ញាចក្រវាឡ នឹងជ្រើសរើស យកនារីតែម្នាក់គត់ ដែលមាន ចំណេះដឹងខ្ពង់ខ្ពស់ និងសម្រស់ស្អាតដាច់គេ។ ចំណែកបេក្ខនារី ១៥ នាក់ទៀត ក៏ត្រូវបានជ្រើសរើសជា បវរកញ្ញាចក្រវាឡ ទៅតាមផ្នែក។ សូមរំលឹកថា បវរកញ្ញាចក្រវាឡឆ្នាំ២០១២ បានទៅលើបេក្ខនារី ជនជាតិអាមេរិក កញ្ញា Olivia Culpo ហើយគេកំពុងតាមដានមើលថា តើបវរកញ្ញាក្នុងឆ្នាំ២០១៣នេះ មកពីប្រទេសណា៕
ប្រភពពី៖ www.watphnom-news.com
0 comments:
Post a Comment