ទូរសព្ទ Nokia Lumia 1020 ម៉ាកល្បីដែលគេទទួលស្គាល់ថាមានកាមេរ៉ារហូតដល់ ៤១ មេហ្គាភីកសែលរបស់ក្រុមហ៊ុន Nokia បានដាក់លក់លើទីផ្សារស្រុកខ្មែរកាលពីម្សិលមិញ។ Nokia Lumia 1020 នេះមានលក្ខណៈពិសេសជាច្រើន ជាតម្រូវការរបស់ប្រិយមិត្តដែលបានទន្ទឹងរង់ចាំប្រើប្រាស់កន្លងមក។
លោក អ៊ី សុគន្ធ ប្រធានផ្នែកទំនាក់ទំនងនៅក្រុមហ៊ុន Nokia បានឲ្យដឹងថា សម្រាប់ទីផ្សារលក់ Nokia Lumia 1020 គឺមិនទាន់បើកលក់ទូលំទូលាយទេ ព្រោះរង់ចាំក្រុមហ៊ុន Nokia បើកសន្និសីទនៅថ្ងៃទី ២៦ ខែតុលា ឆ្នាំ ២០១៣ ខាងមុខនេះ។ បន្ទាប់ពីសន្និសីទរួច ក្រុមហ៊ុននឹងបើកទីផ្សារលក់ចែកចាយដល់អតិថិជនទូទៅទិញប្រើប្រាស់។
ទោះបីយ៉ាងណា នៅលើទីផ្សារ Nokia Lumia 1020 ឃើញមានលក់នៅតាមដេប៉ូមួយចំនួនហើយ ដោយនៅហាងលក់ទូរសព្ទសុខលី ទូរសព្ទដ៏ទំនើបនេះត្រូវដាក់លក់ក្នុងតម្លៃជាង ៩៥០ ដុល្លារអាមេរិក។
អត្ថបទ៖ ដារ៉ាឆានី
0 comments:
Post a Comment