ដកតំណែងប្រធានពេទ្យដើម្បីស៊ើបអង្កេត បន្ទាប់ពីស្ត្រីម្នាក់សម្រាលកូនលើសួនច្បារ
ប្រទេសម៉ិកស៊ិក ៖ កាលពីថ្ងៃទី១០ ខែតុលា ឆ្នាំ២០១៣ បណ្តាញព័ត៌មានបរទេស បានផ្សាយថា ស្ត្រីជនអម្បូរដើមម្នាក់ នៅប្រទេសម៉ិកស៊ិក បានសម្រាលកូននៅ កណ្តាលវាលស្មៅខាងមុខមណ្ឌលសុខភាព ក្នុងភូមិសានហ្វេលីប៉េចាឡាប៉ា ដឺឌីអេស នៅរដ្ឋអូសាកា ប្រទេសម៉ិកស៊ិក កាលពីថ្ងៃទី២ ខែតុលា បន្ទាប់ពីគ្រូពេទ្យ នៅមណ្ឌលសុខភាព បដិសេធជួយសង្គ្រោះ ។
ស្ត្រីឈ្មោះ អ៊ីម៉ា ឡូប៉េស អាយុ ២៩ ឆ្នាំ បញ្ជាក់ថា រូបនាង និងប្តីត្រូវពេទ្យឆ្មប ក្នុងមណ្ឌលសុខភាពបដិសេធ មិនទទួលឱ្យចូលសម្រាលកូន ដោយអះអាងថា នាងមានផ្ទៃពោះទើបតែ ៨ ខែប៉ុណ្ណោះ មិនទាន់ដល់ពេល ត្រូវសម្រាលទេ ។ គ្រូពេទ្យគ្រោង ពិនិត្យផ្ទៃពោះរបស់នាងនៅថ្ងៃស្អែក ប៉ុន្តែប៉ុន្មានម៉ោងក្រោយមក នាងបានបែកទឹកភ្លោះ និងសម្រាលកូនទី៣ នៅលើវាលស្មៅ ខាងមុខមណ្ឌលសុខភាព ។
នាង ឡូប៉េស និយាយថា គាត់មិនចង់សម្រាលកូន ក្នុងសភាពបែបនេះទេ វាជារឿងមិនសមរម្យ និងឈឺចាប់បំផុត ។ ខណៈពេលគាត់កំពុង សម្រាលកូននោះ ប្តីរបស់គាត់មិននៅទេ ដោយសារព្យាយាមទៅសុំជំនួយពីគ្រូពេទ្យ ។ អាជ្ញាធររដ្ឋអូសាកា បានប្រកាសកាលពីថ្ងៃទី៩ ខែតុលាថា បានបញ្ឈប់ការងាររបស់ ប្រធានមណ្ឌលសុខភាពនោះហើយ និងកំពុងស៊ើបអង្កេត ចំពោះហេតុការណ៍ ដែលកើតឡើងនោះ ៕
ប្រភពពី៖ www.watphnom-news.com
0 comments:
Post a Comment