ត្រូវរក្សាអនាម័យនិងប្រុងប្រយ័ត្ន ចំពោះជំងឺ ភ្នែកក្រហម ដែលកំពុងរាលដាលនៅកម្ពុជា
រាជធានីភ្នំពេញ ៖ នៅក្នុងសិក្ខាសាលា ស្ដីពីការអនុវត្តមាត្រា ៥,៣ នៃអនុសញ្ញាស្ដីពីការ ត្រួតពិនិត្យថ្នាំជក់ របស់អង្គការសុខភាព ពិភពលោក នៅសណ្ឋាគារសាន់វ៉េ រាជធានីភ្នំពេញ លោក ម៉ម ប៊ុនហេងរដ្ឋមន្ត្រីក្រសួង សុខាភិបាល បានអំពាវនាវឲ្យ ប្រជាពលរដ្ឋ រក្សាអនាម័យនិងប្រុងប្រយ័ត្ន ចំពោះជំងឺ ភ្នែកក្រហម ដែលកំពុង តែកើតមាននៅកម្ពុជា។
លោក ម៉ម ប៊ុនហេង បានមានប្រសាន៍ថា ជំងឺភ្នែកក្រហម ឬឈឺភ្នែក នេះមិនមែនជា ប្រភេទជំងឺធ្ងន់ធ្ងរនោះទេ គ្រាន់តែជាជំងឺឆ្លងពីមនុស្សម្នាក់ ទៅមនុស្សម្នាក់ទៀត ដែលខ្វះ អនាម័យ។ជំងឺប្រភេទនេះ បើកើតមានវាអត់ធ្ងន់ធ្ងរទេ តែពីរសបា្ដហ៍វា នឹងបាត់ទៅវិញ។ ប៉ុន្តែមិនមែនថាអត់ធ្ងន់ធ្ងរ យើងមិនរក្សាអនាម័យនោះទេ គឺត្រូវតែរក្សា អនាម័យ មួយថ្ងៃហោចណាស់ ក៏ត្រូវលាង ដៃឲ្យបានច្រើនដងដែរ ហើយអ្នកសារព័ត៌មាន ជួយផ្សព្វផ្សាយជុំវិញ បញ្ហានេះផង។
លោក ម៉ម ប៊ុនហេង បានបន្តថា ប្រជាពលរដ្ឋជាច្រើន កំពុងប្រឈម បញ្ហាជំងឺភ្នែកក្រហម ដោយលោកបាន ទទួលបានព័ត៌មាន ពីមន្ត្រីថ្នាក់ក្រោម នៅពេលជំងឺភ្នែកក្រហម កើតមានច្រើន។សូមបញ្ជាក់ថា មួយរយៈពេលចុងក្រោយនេះ ជំងឺភ្នែកក្រហម បានកើតមាន ច្រើនមកលើប្រជាពលរដ្ឋ ក្នុងនោះរួមមាន កុមារតូចៗ មនុស្សចាស់ និងជំទង់ជាដើម ៕
0 comments:
Post a Comment