អ្នកមេម៉ាយកូន១ ស្រេង សុគន្ធដា ហៅខ្ញុងត្រូវបានប្រុសក្មេងម្នាក់កៀកកើយយ៉ាងជិតស្និទ្ធ ដែលនាំឲ្យមានមន្ទិលសង្ស័យថា នាងកំពុងតែបង្កាត់ចំណងស្នេហ៍ជាមួយគ្នា។ ប៉ុន្តែការសង្ស័យនេះត្រូវបាននាងចេញមុខបដិសេធ។
អាន៖ ខ្ញុងទម្លាយអាថ៌កំបាំងរឿងសំពះអាចម៍គោ
រូបថតជាច្រើនសន្លឹក ដែលអ្នកនាងខ្ញុងបានថតជាមួយប្រុសក្មេងនោះ ត្រូវបាននាងបង្ហាញលើ Wall Facebookរបស់នាងកាលពីពេលថ្មីៗនេះ។ នៅក្នុងរូបភាពគេឃើញ បុរសនោះមានវ័យប្រហែលជាតិចជាងនាងច្រើនឆ្នាំ ដោយនៅក្នុងនោះនាងបានកៀកកើយទ្រូងជាមួយបុរសនោះជាខ្លាំង ដែលនាំឲ្យកើតមានមន្ទិល។
អាន៖ ខ្ញុងបែកញើសហូរដូចទឹកលើយន្តហោះ
ខ្ញុង កៀកកើយជាមួយប្រុសក្មេង (រូបថត Facebook)
ក្នុងជំនួបតាមទូរស័ព្ទកាលពីពេលថ្មីៗនេះ ខ្ញុងបានទទួលស្គាល់ថា នាងពិតជាមានទំនាក់ទំនងជិតស្និទ្ធប្លែកជាងធម្មតា ជាមួយបុរសម្នាក់នោះពិតប្រាកដមែន ប៉ុន្តែភាពស្និទ្ធស្នាលទាំងនោះមិនមែនក្នុងន័យស្នេហានោះទេ។
ខ្ញុងបានបញ្ជាក់ប្រាប់ថា បុរសនោះ គឺជាមេជាងផាត់មុខធ្វើសក់ ប្រចាំនៅ សុខគា សម្អាងការបូតា ដែលតែងតែជួយផាត់មុខធ្វើសក់ឲ្យនាងជាប្រចាំនៅពេលដែលមានកម្មវិធីម្ដងៗ។ នាងបន្តថា នាងបានស្រលាញ់រាប់អានបុរសម្នាក់នោះប្រៀបបានទៅនឹងបងប្អូនបង្កើតនឹងគ្នា ត្បិតអីបុរសនោះជាមនុស្សល្អម្នាក់ ដែលតែងតែជួយលួងលោមនឹងលើកទឹកចិត្តនាងជានិច្ច ពេលដែលនាងពិបាកចិត្ត។
អាន៖ ខ្ញុងគ្មានគម្រោងជួបសង្សារ ដែលជាអាណិកជននៅអូស្ត្រាលីទេ
ខ្ញុងបានលើកឡើងថា ទំនាក់ទំនងរបស់នាងនឹងបុរសម្នាក់នោះ ប្រសិនបើអ្នកផ្សេងមិនបានស្គាល់ឲ្យស៊ីជម្រៅទេនោះ អាចនឹងមានការយល់ច្រឡំទៅលើរឿងផ្សេង ស្របពេលដែលនាងតែងតែនិយាយជាមួយប្រុសក្មេងម្នាក់នោះថា បងៗពេញៗមាត់ ខណៈដែលបុរសម្នាក់នោះមានវ័យ តិចជាងនាងរហូតដល់ទៅ៣ឆ្នាំ។
ខ្ញុងបានបញ្ជាក់ប្រាប់ទៀតថា មូលហេតុដែលនាំឲ្យនាង ហៅបុរសម្នាក់នោះថា បងៗ បើទោះបីជាបុរសនោះអាយុតិចជាងនាង ក៏ព្រោះតែនាងគោរពស្រលាញ់បុរសនោះ ប្រៀបដូចជាបងប្រុស។
អ្នកមេម៉ាយកូន១រូបនេះបានឲ្យដឹងបន្ថែមទៀតថា ចំពោះរឿងស្នេហាមិនមែននាងមិនចង់គិតនោះទេ ទៅថ្ងៃអនាគតនាងត្រូវកែគិតគូរ ប៉ុន្តែនាងព្រួយខ្លាចដំបៅចាស់កើតឡើងមកលើនាងម្ដងទៀត ហេតុនេះមុនសម្រេចចិត្តនាងត្រូវតែគិតឲ្យបានគ្រប់ជ្រុងជ្រោយ៕
អត្ថបទ៖ ខុត សីហា
រូបថត៖ Facebook
0 comments:
Post a Comment