Microsoft ថ្មីៗនេះ បានប្រកាសកម្មវិធីពិសេសដោយផ្ដល់ជូនអតិថិជននូវកាតដែលមានតម្លៃ ២០០ដុល្លារអាមេរិកសម្រាប់ការយក iPhone មកប្ដូរនៅហាង Microsoft Store។
ការផ្ដល់ជូនខាងលើគឺមានកំណត់ចាប់ពីថ្ងៃទី ២៧កញ្ញា ដល់ថ្ងៃទី ០៣វិច្ឆិកា។ ដូច្នេះប្រសិនបើអតិថិជនដែលកំពុងមានបំណងចង់ឈប់ប្រើ iPhone 4S និង iPhone 5 ស្រាប់ អាចមកផ្លាស់បទពិសោធន៍ថ្មីជាមួយ device របស់ Microsoft នៅ Microsoft Store បាន។ លក្ខខណ្ឌដើម្បីប្ដូរបាន គឺមនុស្សម្នាក់អាចមកប្ដូរបានតែម្ដង ហើយ iPhone មិនត្រូវជាប់ Password នោះឡើយ។ អ្នកក៏អាចទៅប្ដូរនៅតាមហាងលក់រាយផ្សេងៗរបស់ Microsoft បានផងដែរ តែការផ្ដល់ជូនពុំមានលក្ខណៈអនឡាញទេ។
នេះជារឿងប្រហែលគ្នានឹងលើកមុនដែរ។ Microsoft ធ្លាប់ប្រកាសថា ផ្ដល់ជូនឱកាសដល់ម្ចាស់ iPad ទាំងអស់ អាចមកប្ដូរយកប័ណ្ណ (voucher) ពីក្រុមហ៊ុនដែលមានតម្លៃស្មើនឹង ២០០ដុល្លារ។
កន្លងទៅថ្មីនេះ Microsoft ទើបបានប្រកាសចេញ Tablet Surface ជំនាន់ទី២ ចំនួនពីរម៉ូដែលដំណាលគ្នាគឺ Surface 2 និង Surface Pro 2។ អានលក្ខណៈសម្បត្តិរបស់ Tablet ថ្មីនេះ សូម ចុចត្រង់នេះ …
ចុចត្រង់នេះ ដើម្បីតាមដានព័ត៌មានបច្ចេកវិទ្យាថ្មីៗ …
ប្រែសម្រួល៖ ឈុន ហួរ
ប្រភព & រូបភាព៖ geeky-gadgets
0 comments:
Post a Comment