ក្រុម hacker ដែលមានឈ្មោះ Chaos Computer Club (CCC) បានអះអាងថា ខ្លួន hack មុខងារ fingerprint ដែលបំពាក់ប្រើនៅលើ iPhone 5S បានដោយជោគជ័យហើយ។ នេះបើយោងតាមការឱ្យដឹងពីគេហទំព័រ softpedia ប្រហែលកន្លះម៉ោងមុននេះ។
អាន៖ ម្ចាស់ iPhone 4S និង iPhone 5 សូមប្រយ័ត្នបញ្ហា Lockscreen ពេលដំឡើងដល់ iOS 7
ការបំបែកប្រព័ន្ធសុវត្ថិភាព fingerprint នៅលើ iPhone 5S ធ្វើឡើងដោយក្រុម Chaos នេះ តាមរបៀបយ៉ាងងាយស្រួល និងសាមញ្ញបំផុតដោយប្រើប្រាស់ស្នាមម្រាមដៃរបស់ user ផ្ដិតជាប់នឹងកញ្ចក់រាបស្មើមួយ ហើយចម្លងមកដាក់នៅលើថង់ជាតិជ័រកៅស៊ូធ្វើជាម្រាមដៃក្លែងក្លាយ។ ពេលនោះ គេនឹងអាចបើកទូរសព្ទ (unlock) ដោយជោគជ័យ។
ក្រុម CCC ជឿថា Touch ID របស់ Apple ពុំផ្តល់សុវត្ថិភាពគួរឱ្យទុកចិត្តបាននោះទេ ព្រោះគេអាចប្រើវិធីក្លែងក្លាយជាច្រើនទៀតដើម្បី hack បានសម្រច។ សំដីពីមនុស្សម្នាក់ដែលដឹកនាំក្រុម CCC ឱ្យទទួលបានជោគជ័យចំពោះការ hack លើមុខងារ fingerprint របស់ Apple បានលើកឡើងថា នៅលើទីផ្សារសព្វថ្ងៃនេះ fingerprint sensor របស់ Apple ពិតជាមាន resolution ខ្ពស់ជាង sensor ដទៃមែន ដូច្នេះយើងគ្រាន់តែរកដំណោះស្រាយដើម្បីប្រើ fingerprint ក្លែងបន្លំជំនួសម្រាមដៃរបស់ម្ចាស់ទូរសព្ទទៅបានហើយ។
យ៉ាងណាក៏ដោយ ក្រុម CCC នេះបានផ្ដល់ជាគំនិតមួយដល់ម្ចាស់ iPhone 5S ថា ៖ “iPhone user គួរជៀសវាងប្រើវិធីសាស្ត្រស្កេនក្រយៅដៃដើម្បីសុវត្ថិភាពទូរសព្ទ ព្រោះបែបនេះអាចត្រូវបាន hack យ៉ាងស្រួលដោយការបន្លំស្នាមម្រាមដៃ”។ ចង់ដឹងលំអិតតើ hack របៀបណានោះ សូមទស្សនាវីដេអូខាងក្រោម៖
អាន៖ ទម្លាក់ iPhone 5C/5S លេងបន្តិចមើល៍ស័ក្ដិសមតម្លៃជិត២ពាន់ដុល្លារអត់? (វីដេអូ)
ចុចត្រង់នេះ ដើម្បីតាមដានព័ត៌មានជុំវិញ iPhone 5S …
0 comments:
Post a Comment