ដូចការរំពឹងទុកពីសាធារណជនពិតមែនថា Apple នៅតែបន្តប្រើប្រាស់ chip របស់ Samsung បំពាក់នៅលើ iPhone ជំនាន់ថ្មីរបស់ខ្លួនទៀតគឺ iPhone 5S។ តាមការធ្វើពិសោធន៍ពិនិត្យពិច័យយ៉ាងល្អិតល្អន់ទៅលើ iPhone 5S របស់ក្រុមហ៊ុន Chipworks បានឱ្យដឹងថា A7 chip គឺជាបន្ទះឈីបដែលផលិតដោយ Samsung។
អាន៖ ដល់ដំណាក់កាលនេះហើយ Apple អាចវិលរក Samsung វិញដែរ?
បើតាមគេហទំព័រ macrumors បានឱ្យដឹងថា Chipworks បានរកឃើញ A7 chip ជាឈីបដែលបានផលិតចេញពីក្រុមហ៊ុន Samsung បន្ទាប់ពីមានចចាមអារ៉ាមដើមឆ្នាំ ២០១៣នេះថា ក្រុមហ៊ុនផលិតសឺមីកុងឌុចទ័ររបស់តៃវ៉ាន់ TSMC អាចសម្រេចកិច្ចសន្យាធ្វើជាម្ចាស់ចិត្តថ្មីក្នុងការផ្គត់ផ្គង់ chip ស៊េរីក្រោយៗ ឱ្យ Apple ជំនួស Samsung។ លេខកូដប្រទះឃើញនៅលើ iOS 7 កាលពីកក្កដាកន្លងទៅ បញ្ជាក់បានថា Samsung អាចនៅបន្សល់សមិទ្ធផលចុងក្រោយនៅលើ Chip A7 នេះនៅឡើយ។
ដូចប្រិយមិត្តបានដឹងរួចមកហើយថា រវាង Apple និង Samsung មានជម្លោះប៉ាតង់នឹងគ្នារបស់មិនអស់ រហូតឡើងតុលាការប្រឈមមុខដាក់គ្នា អូសបន្លាយរយៈពេលដ៏យូរមិនងាយជ្រះស្រឡះឡើយ។ ដោយសារហេតុផលនេះ ទើបបានលេចចេញព័ត៌មានជាច្រើនថា សម្ពន្ធភាព Apple និង Samsung នឹងមិននឹងធឹងទៀតឡើយ។ ដូច្នេះ Apple នឹងបែកចិត្តពី Samsung ទៅរកក្រុមហ៊ុនផ្គត់ផ្គង់បន្ទះ chip ថ្មីគឺ TSMC មានមូលដ្ឋាននៅតៃវ៉ាន់។
អាន៖ Apple ចង់បានអ្នកជំនួស Samsung
Chipworks ថែមទាំងបានប្រទះឃើញ និងជឿថា M7 motion processor គឺជាសមិទ្ធផលរបស់ ក្រុមហ៊ុនសឺមីកុងឌុចទ័រហុល្លង់ដែលមានឈ្មោះថា NXP Semiconductors។
ប្រិយមិត្តយល់យ៉ាងណាដែរ ប្រសិន Apple សម្រេចចោលដៃគូសហការ Samsung ទៅចាប់ដៃនឹង TSMC តើអនាគត iPhone ចេញក្រោយនឹងនៅតែមានការអភិវឌ្ឍន៍ខ្លាំងកម្រិតណាដែរ?
អាន៖ មិត្តភាពApple-Samsungបែកបាក់ហើយ
ប្រែសម្រួល៖ ឈុន ហួរ
ប្រភព៖ macrumors, techcrunch
0 comments:
Post a Comment