វិធីសាស្ត្រសម្រាប់ថែរក្សាស្បែកនារដូវរងា
ត្រជាក់និង ខ្យល់ស្ងួតនារដូវរងារអាចធ្វើអោយថយចុះសំណើមស្បែក និងបណ្តាលអោយរមាស់។ វេជ្ជបណ្ឌិត រូប៊ីន ហ្គីមរេក (Robyn Gmyrek) ជាគ្រូពេទ្យឯកទេសជំងឺសើស្បែកនៅសាកលវិទ្យាល័យវេជ្ជសាស្ត្រ New York-Presbyterian/Columbia បាននិយាយថា អ្នកអាចធ្វើតាមដំណាក់កាលដើម្បីការពារស្បែករបស់អ្នក និងការពារអារម្មណ៍ដែលរមាស់នោះ។
ហ្គីមរេកបាននិយាយថា សូមលាបឡេដែលធ្វើអោយស្បែកមានសំណើមជារៀងរាល់ថ្ងៃ។ លាបវាផ្ទាល់ទៅលើស្បែកសើមៗក្រោយពីងូតទឹករួច។ ចំពោះស្បែករមាស់, សូមជ្រើសរើសឡេដែលមិនមានក្លិនក្រអូប។
សូមសម្អាតស្បែករបស់អ្នក, ប៉ុន្តែសូមកុំធ្វើវាច្រើនពេក។ ហ្គីមរេកបានពន្យល់ថា ការលាងសម្អាតវាច្រើនពេកបន្ថយភាពសើមនៃស្បែកពីធម្មជាតិបាន។ ការលាងមុខ, ដៃ, ជើង និងកន្លែងបត់នៃដៃ ឬជើងម្តងក្នុងមួយថ្ងៃ គឺគ្រប់គ្រាន់ហើយ។ អ្នកអាចលាងសម្អាតខ្លួន, ដៃ និងជើងជារៀងរាល់ថ្ងៃ ប៉ុន្តែអ្នកមិនត្រូវប្រើសាប៊ូ ឬទឹកលាងសម្អាតនៅកន្លែងទាំងនេះជារៀងរាល់ថ្ងៃនោះទេ។
កាត់បន្ថយការប្រើប្រាស់ទឹកក្តៅ និងសាប៊ូ។ ប្រសិនបើអ្នកមានការរមាស់, សូមប្រើទឹកក្តៅឧណ្ណៗក្នុងរយៈពេលខ្លីដើម្បីលាងសម្អាត ដែលនេះមិនធ្វើអោយរលាកស្បែកនោះទេ។
ហ្គីមរេកបានបន្ថែមថា បន្ទប់ក្តៅហើយសើមអាចជួយការពារខ្យល់នៅក្នុងបន្ទប់អោយក្លាយទៅជា ស្ងួត។ នៅពេលដែលអ្នកស្ថិតនៅក្រៅផ្ទះ, ការពារស្បែករបស់អ្នកពីខ្យល់, ភាពត្រជាក់ខ្លាំង និងកម្តៅព្រះអាទិត្យ។
ហ្គីមរេកបាននិយាយថា សូមទៅជួបនឹងគ្រូពេទ្យឯកទេសជំងឺសើស្បែកប្រសិនបើអ្នកនៅតែមាន ស្បែកស្ងួត, បែកស្រកា ឬរមាស់ដែលធ្វើអោយអ្នកបារម្ភ៕
ប្រភពពី៖ www.neavea.com
0 comments:
Post a Comment