រោងភាពយន្តលំដាប់អន្តរជាតិ Platinum Cineplex បានដាក់ឱ្យដំណើរការណ៍ នូវប្រតិបត្តិការណ៍ថ្មីគឺការកក់សំបុត្រកុនតាម Online ដំបូងគេបង្អស់ក្នុងប្រទេសកម្ពុជា។
ប្រព័ន្ធប្រតិបត្តិការណ៍ថ្មីរបស់រោងភាពយន្ត Platinum Cineplex បានដាក់ឱ្យដំណើរការណ៍ចាប់ពីថ្ងៃនេះតទៅ ដោយលោកអ្នកគ្រាន់តែចូលទៅកាន់វេបសាយ platinumcineplex.com.kh នោះលោកអ្នកនឹងឃើញអក្សរជាភាសាខ្មែរ និងអង់គ្លេសដាក់ថា “កក់សំបុត្រ/ Booking Now” ។ ក្នុងនោះលោកអ្នកអាចជ្រើសរើស ម៉ោង ថ្ងៃ និងខ្សែភាពយន្ដណា ដែលអ្នកពេញចិត្តតាមតម្រូវការ។
Platinum Cineplex រោងភាពយន្តលំដាប់អន្តរជាតិ នៅផ្សារទំនើបសូរិយា ជាន់ទី៥
ទាក់ទងទៅការប្រព័ន្ធប្រតិបត្តិការណ៍ថ្មីដំបូងគេនៅកម្ពុជាគឺការកក់សំបុត្រកុនតាម Online នេះ បុគ្គលិកបម្រើការងារផ្នែកលក់ប្រចាំរោងភាពយន្ត Platinum Cineplex លោក ខុម រាសូរដានូ បានឱ្យដឹងថា មូលហេតុនាំឱ្យរោងកុនបង្កើតប្រព័ន្ធនេះឡើងដើម្បីផ្ដល់ភាពងាយស្រួលទៅដល់អតិថិជនក្នុងការកក់សំបុត្រកុន ដោយមិនចាំបាច់ Call ឬមកទិញផ្ទាល់នោះទេ។
លោកបញ្ជាក់ថា៖ “ដូចដឹងស្រាប់មនុស្សមានភាពរវល់នឹងការងារច្រើន ដូច្នេះហើយនៅពេលពួកគាត់ចង់មើលកុនមិនចាំចំណាយពេលមកទិញផ្ទាល់ Call មកកាន់ក្រុមការងាររបស់យើងទេ គឺគ្រាន់តែចូលទៅកាន់ វេបសាយ របស់យើងរួចជ្រើសរើស ម៉ោង រឿង និងថ្ងៃជាការស្រេច”។
លោក ខុម រាសូរដានូ បានបន្តថា ប្រព័ន្ធប្រតិបត្តិការណ៍ថ្មីនេះ មិនទាន់មានរោងភាពយន្តណាមួយដាក់ឱ្យដំណើរការណ៍នៅឡើយទេក្នុងប្រទេសកម្ពុជា គឺមាននៅតែរោងភាពយន្តលំដាប់អន្តរជាតិ Platinum Cineplex តែមួយប៉ុណ្ណោះ។ ប្រព័ន្ធប្រតិបត្តិការណ៍ថ្មីនេះនឹងធ្វើឱ្យអតិថិជនកាន់តែមានភាពងាយស្រួលនៅពេលចង់ទៅទស្សនាខ្សែភាពយន្ត។
Platinum Cineplex ជារោងភាពយន្តលំដាប់អន្តរជាតិឈានមុខមួយក្នុងប្រទេស កម្ពុជា ក្នុងនោះរោងភាពយន្តតែងនាំខ្សែភាពយន្តល្បីៗ ទាំងខ្មែរ និងបរទេសដើម្បីបម្រើចក្ខុរបស់ទស្សនិកជន៕
របៀបកក់សំបុត្រកុនតាម Online នៅរោងភាពយន្ត Platinum Cineplex ចូលទៅកាន់ platinumcineplex.com.kh ហើយអនុវត្តតាម step ទាំង៦ខាងក្រោមនេះ៖
អត្ថបទ៖ អ៊ីង សុឡា
0 comments:
Post a Comment