ក្លិបចាយលុយធំរបស់បារាំង AS Monaco កំពុងពិចារណាបើកខ្ទង់ចំណាយ ៤០លានអឺរ៉ូ (ជាង៥៤លានដុល្លារអាមេរិក) នាទីផ្សារដោះដូរកីឡាករក្នុងខែមករាខាងមុខ ដើម្បីទិញខ្សែបម្រើស្លាបរបស់ក្លិបកាំភ្លើងធំ Arsenal, Theo Walcott។
Walcott ពេលលេងឲ្យ Arsenal កន្លងមក
កីឡាករជម្រើសជាតិអង់គ្លេសរូបនេះ ខានលេងឲ្យក្រុមលោក Arsene Wenger តាំងពីខែកញ្ញាមកម្ល៉េះ ដោយសារឈឺសាច់ដុំពោះ។ យ៉ាងណាក្ដី អ្នកចាត់ការសញ្ជាតិបារាំងដែលទើបជាប់ជាបេក្ខភាពគ្រូបង្វឹកល្អបំផុតក្នុងលោក ទំនងជាមិនបើកដៃឲ្យ Walcott ចាកចេញនោះទេ ស្របពេលសាមីកីឡាករផ្ទាល់ ក៏កំពុងរីករាយនៅ Arsenal ដូចគ្នា។
Monaco ជាក្លិបទើបឡើងមក Ligue 1 វិញរដូវកាលនេះ ប៉ុន្តែបានបង្ហាញទម្រង់លេងយ៉ាងល្អ ដោយកំពុងប្រជែងគ្នានៅកំពូលតារាងជាមួយ Paris Saint-Germain ក្រោយទិញចូលកីឡាករៗសំខាន់ៗមួយចំនួន ដូចជា Radamel Falcao និង Joao Moutinho ជាដើម។
ចាំមើលមើល៍ ថាតើក្លិបយក្សបារាំងមួយនេះ អាចឆក់យក Walcott ពីកាំភ្លើងធំបានដែរឬទេ?
0 comments:
Post a Comment