ឈុតវីដេអូចំនួន ២ របស់ Microsoft កាលពីម្សិលមិញបានធ្វើឱ្យ Apple ស្ពឹកមុខម្ដងរួចមកហើយ។ ចំណែកលើកនេះ តើ Microsoft នៅមានអ្វីអួតទៀត។ ថ្មីៗនេះក្រុមហ៊ុន Software ដ៏ធំ (Microsoft) បានបញ្ចេញឈុតពាណិជ្ជកម្មលើកស្ទួយផលិតផលថ្មីរបស់ខ្លួនជា Tablet Surface នៅលើបណ្ដាញYouTube។
អ្វីដែលបានយកមកបង្ហាញនៅក្នុងវីដេអូលើកនេះគឺ Surface ជំនាន់ទី២ ឬ Surface 2។ ក្រុមហ៊ុនបានបង្ហាញពីបច្ចេកវិទ្យា device របស់ខ្លួនមួយនេះយកឈ្នះលើ iPad និង Galaxy Tab លើពីរចំណុចទី១ គឺមាន USB port និងទី២ មានជំនាញក្នុងការធ្វើបទបង្ហាញដោយប្រើ PowerPoint។
វីដេអូទី១ បង្ហាញពីមុខងារ Surface 2 គឺមានរន្ធ USB ដែលអាចដោតប្រើជាមួយប្រភេទ removable ដូចជា Flash, HardDisk …បាន ដោយឡែក iPad គ្មាន។ ទី២ វីដេអូបង្ហាញពី Surface RT មានមុខងារក្នុងការធ្វើបទបង្ហាញតាមកម្មវិធី PowerPoint ដោយអាចកែតម្លៃបានងាយស្រួលជាងនៅលើ Galaxy Tab។ សូមទស្សនាវីដេអូខាងក្រោម៖
យល់យ៉ាងណាដែរ ចំពោះមុខងារដែល Microsoft អួតលើ Samsung និង Apple ដូចនេះ?
សូមចុចអាន៖ Microsoft ដុត Apple ក្នុងឈុតវីដេអូពាណិជ្ជកម្មចំនួន២ ដំណាលគ្នា
អានលក្ខណៈសម្បត្តិលំអិត ព្រមទាំងតម្លៃរបស់ Surface ជំនាន់ទី២ សូម ចុចត្រង់នេះ …
0 comments:
Post a Comment